មិនធម្មតាទេ ជនជាតិខ្មែរក៏មានសមត្ថភាព អាចគ្រប់គ្រងក្រុមហ៊ុនឡានធំៗមិនចាញ់បរទេស

2018-06-22 02:09:53
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគ្រប់គ្រងក្រុមហ៊ុនឡានធំៗនៅក្នុងស្រុក ភាគច្រើនជាបរទេសមានជប៉ុន អាល្លឺម៉ង់ អាមេរិក អង់គ្លេស តែក៏មានជនជាតិខ្មែរមួយចំនួនមានសមត្ថភាព អាចកាន់តួនាទីជាអ្នកគ្រប់គ្រងក្រុមហ៊ុនឡានរបស់បរទេស។

លោក គង់ នួន

Toyota ជាយីហោឡានដែលពលរដ្ឋខ្មែរស្គាល់សឹងតែគ្រប់គ្នា។ យីហោម៉ាករថយន្តល្បីរបស់ជប៉ុនមានជនជាតិខ្មែរជាអ្នកគ្រប់គ្រង។ លោកគង់ នួន គឺជាអគ្គនាយកក្រុមហ៊ុន Toyota Cambodia ដែលគ្រប់គ្រងម៉ាករថយន្តធំលំដាប់លេខមួយនេះ។

ចំណែកម៉ាករថយន្តដ៏ធំមួយទៀតរបស់អាមេរិកគឺ Ford ក៏មានអគ្គនាយកដើមកំណើតខ្មែរ។ លោក ងន សាំង ជាអគ្គនាយកក្រុមហ៊ុន RMA Group ដែលមានយីហោក្រុមហ៊ុនជាច្រើនស្ថិតនៅក្រោមចំណុះ។

លោក ងន សាំង

តាមប្រវត្តិផ្តល់ដោយក្រុមហ៊ុន លោក ងន សាំង បានចូលបម្រើការងារនៅក្រុមហ៊ុន RMA ក្នុងឆ្នាំ ១៩៩៦ ក្នុងនាមជាបុគ្គលិកហាត់ការ។ លោកធ្លាប់កាន់តួនាទីសំខាន់ៗជាច្រើនដូចជាក្នុងផ្នែកគណនេយ្យ និងហិរញ្ញវត្ថុ និងក្រោយមកក៏ត្រូវបានតែងតាំងជាអគ្គនាយករងនិងនាយកផ្នែកហិរញ្ញវត្ថុក្នុងឆ្នាំ ២០០៧។

លោក ងន សាំង បានបញ្ចប់ការសិក្សាថ្នាក់បរិញ្ញាបត្រ ផ្នែកវិទ្យាសាស្ត្រសេដ្ឋកិច្ច នៅសាកលវិទ្យាល័យ ភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច និងសញ្ញាប័ត្រអនុបណ្ឌិតផ្នែកគ្រប់គ្រងអាជីវកម្មពីវិទ្យាស្ថានបច្ចេកវិទ្យាអាស៊ី (Asian Instituteof Technology) ពីប្រទេសថៃ។

លោកគឺជាជនជាតិខែ្មរទីមួយ ដែលបានទទួលការសិក្សាជំនាញ គ្រប់គ្រង អាជីវកម្មពីសាកលវិទ្យាល័យហាវើត ដ៏ល្បីល្បាញនៅសហរដ្ឋអាមេរិច (Harvard Business School General Management Program)។