មិនរួចខ្លួនទេ! ហ្វីលីពីន ចេញគម្រោងបង្ក្រាបគ្រឿងញៀន នៅតាមសាលារៀន

2018-06-22 07:21:35
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងតាមមន្រ្តីហ្វីលីពីនបានប្រាប់ឲ្យដឹងនាថ្ងៃសុក្រនេះថា ហ្វីលីពីនកំពុងគ្រោងនឹងបង្ក្រាបគ្រឿងញៀន តាមបញ្ជារបស់ប្រធានាធិបតី Rodrigo Duterte នៅតាមសាលារៀន ដោយការត្រួតពិនិត្យកាតាប និង ទូដាក់ឥវ៉ាន់របស់សិស្ស ក៏ដូចជាការធ្វើតេស្តលើគ្រូបង្រៀនផងដែរ។

ប្រធានាធិបតីហ្វីលីពីន Rodrigo Duterte

គួររំលឹកឲ្យដឹងថា មេដឹកនាំខាងលើបានបង្កើតយុទ្ធនាការប្រឆាំងគ្រឿងញៀន បន្ទាប់ពីបានចូលកាន់តំណែង កាលពីខែមិថុនា ឆ្នាំ២០១៦ ដោយក្នុងអំឡុងនោះ ប៉ូលិសបានសម្លាប់ជនសង្ស័យជួញដូរ និងប្រើប្រាស់គ្រឿងញៀន ជាង ៤ ២០០នាក់មកហើយ។

ជាមួយគ្នានេះ ទីភ្នាក់ងារអនុវត្តច្បាប់មានគម្រោងបង្កើតយុទ្ធនាការបង្ក្រាបគ្រឿងញៀន ដោយស្នើសុំការធ្វើតេស្តលើគ្រូបង្រៀន នៅតាមសាលាបឋមសិក្សា ក៏ដូចជាសិស្សថ្នាក់ទី៤ ដែលមានអាយុចាប់ពី ១០ឆ្នាំឡើងផងដែរ។

យ៉ាងណាមិញ លោក Catalino Cuy ប្រធានក្រុមប្រឹក្សាភិបាលគ្រឿងញៀន Dangerous Drugs Board ហៅកាត់ថា DDB បាននិយាយថា ការិយាល័យរបស់លោកនឹងសិក្សាបន្ថែមលើសំណើនោះ ដើម្បីពង្រឹងយុទ្ធនាការបង្ក្រាបគ្រឿងញៀននៅតាមសាលារៀន និងចេញគោលនយោបាយធានាការអនុវត្តត្រឹមត្រូវប្រសិនបើចាំបាច់៕

ប្រភព៖ Asiaone ប្រែសម្រួល៖ សេង ឡុង