Akon មានបង្ហាញគម្រោងបង្កើត Wakanda ពិតប្រាកដនៅអាហ្វ្រិក
- 2018-06-22 09:15:00
- ចំនួនមតិ 0 | ចំនួនចែករំលែក 0
Akon មានបង្ហាញគម្រោងបង្កើត Wakanda ពិតប្រាកដនៅអាហ្វ្រិក
ចន្លោះមិនឃើញ
តារាចម្រៀងល្បីឈ្មោះតាមរយៈបទ "Right Now Na Na” បានបង្ហើបពីគម្រោងកសាងទីក្រុងទំនើបដូចនៅក្នុងប្រទេស Wakanda ពីក្នុងរឿង "Black Panther” ដោយប្រើប្រាស់ទឹកប្រាក់អេឡិចត្រូនិក Cryptocurrency Akoin របសលោក។
Akon ម្ចាស់បទ "Lonely” ជាអ្នកចម្រៀងប្ដូរទៅជាអ្នកជំនួញជោគជ័យមួយរូប មានបំណងបង្កើត "Wakanda” ពិតប្រាកដ នៅទីក្រុងប្រទេសកំណើតរបស់លោក សេនេហ្គាល់។ កាលពីថ្ងៃទី ២១ខែមិថុនាថ្មីៗ នេះ Akon ក៏បានបញ្ជាក់បន្ថែមពីគម្រោង Akoin ដើម្បីធានាឲ្យមានទឹកប្រាក់គ្រប់គ្រាន់ក្នុងការអភិវឌ្ឍន៍គម្រោងសាងសង់ទីក្រុង Akon Crypto City ថ្មី។
ទីក្រុងថ្មីនេះ នឹងមានទំហំជាង ៨០០ហិកតា ដែលពឹងផ្អែកទឹកប្រាក់ពីគម្រោង Akon Crypto City បន្ទាប់ពីផ្ដល់សិទ្ធនិងទីតាំងសាងសង់ឲ្យពីនាយករដ្ឋមន្ត្រីប្រទេសសេនេហ្គាល់ផ្ទាល់តែម្ដង។
ទីតាំងរបស់ទីក្រុងគឺជិតទៅនឹងព្រលានយន្តហោះអន្តរជាតិ ដោយចំណាយពេលធ្វើដំណើរតែ៥នាទី និងនៅជិតឆ្នេរ ព្រមទាំងនៅជិតទីក្រុង Dakar ទីក្រុងសំខាន់ជាងគេនៅប្រទេស សេនេហ្គាល់។
គម្រោងទីក្រុងនោះនឹងប្រមូលផ្ដុំដោយ អាគារគ្រប់ប្រភេទដូចជា សកលវិទ្យាល័យ សាលារៀន និងព្រលានយន្តហោះ ព្រមទាំងពហុកីឡាដ្ឋានទៀតផង៕