ក្រុមហ៊ុន​ចិន​ Vivo រក​ឃើញ​វិធី​សាស្ត្រ​ល្អ​មួយ​ដើម្បី​គេច​ផុត​ពី​ការ​ប្រើ​រចនាបថ​ក្បាល​ឆក និង​បង្កើត​បាន​អេក្រង់​លាត​ពេញ​ផ្ទៃ នោះ​គឺ​កាមេរ៉ា​ Selfie ដែល​បង្កប់​ក្នុង​តួ​ខ្លួន​ទូរសព្ទ អាច​លៀន​ចេញ​ក្រៅ​ពេល​ត្រូវ​ការ។

ក្រុម​ការងារ​ MyFixGuide បាន​ហែក​មើល​គ្រឿង​ក្នុង​របស់​ Vivo Nex ដើម្បី​មើល​ថា​កាមេរ៉ា​ដែល​អាច​លៀន​ចេញ​ក្រៅ​នេះ មាន​គ្រឿង​បន្លាស់​បែប​ណា។ តាម​រយៈ​រូបភាព​មួយ​សន្លឹក​ដែល​បង្ហាញ​ពី​គ្រឿង​ក្នុង​របស់​ Vivo Nex គេ​ឃើញ​មាន​រឺស័រ​មួយ​ ប៉ុន្តែ​តាម​ពិត​ទៅ​​ស្ពឺ​ពណ៌​ទឹក​ប្រាក់​ឯណោះ​ទេ ជា​អ្នក​រុញ​កាមេរ៉ា​ចេញ​មក​ក្រៅ។

ផ្នែក​នីមួយៗ​ត្រូវ​បាន​រៀប​ចំ​មាន​សណ្ដាប់​ធ្នាប់​ល្អ​ណាស់​ ប៉ុន្តែ​ការ​ធ្វើ​ចលនា​ចុះ​ឡើងៗ អាច​ឲ្យ​ផ្នែក​ទាំង​នេះ​ងាយ​នឹង​​ខូច​បំផុត។ រូបភាព​គ្រឿង​ក្នុង​នេះ​ក៏​បាន​បង្ហាញ​អំពី​​ប្រព័ន្ធ​ Speaker បង្កប់​ក្រោម​ផ្ទៃ​អេក្រង់​ដែល​ជំនួស​នូវ​រន្ធ​ស្ដាប់​ Earpiece ផង​ដែរ៕​​​​​​​

ប្រភព៖ The Verge   ប្រែ​សម្រួល៖ សុខហេង