អបអរ! បទ "Like That” របស់ Kris Wu បំបែកកំណត់ត្រា Billboard Hot 100
- 2018-06-26 07:25:59
- ចំនួនមតិ 0 | ចំនួនចែករំលែក 0
អបអរ! បទ "Like That” របស់ Kris Wu បំបែកកំណត់ត្រា Billboard Hot 100
ចន្លោះមិនឃើញ
បទចម្រៀងថ្មីរបស់តារាចម្រៀង Kris Wu ដែលបានចេញជាផ្លូវការកាលពីថ្ងៃទី ១៨ ខែឧសភានោះ មិនត្រឹមតែបំបែកកំណត់ត្រាលើតារាង US iTunes ប៉ុណ្ណោះទេ ប៉ុន្តែថែមទាំងបំបែកកំណត់ត្រាលើតារាង Billboard Hot 100 ទៀត ដែលជាកំណត់ត្រាថ្មីមួយសម្រាប់តារាចម្រៀងចិន។
តារាចម្រៀងចិនកាត់កាណាដារូបនេះ បានបញ្ចេញបទចម្រៀងថ្មីរបស់លោកកាលពីថ្ងៃទី ១៨ ខែឧសភា និងបានស្ថិតលើកំពូលតារាងបទចម្រៀងក្នុងប្រទេសចិន។ នៅថ្ងៃទី ០៤ ខែមិថុនា បទចម្រៀងរបស់លោកបានជាប់ចំណាត់ថ្នាក់លេខ ១ លើតារាង US iTunes។ ក្រោយមកកាលពីពេលថ្មីៗនេះ បទចម្រៀងរបស់លោកក៏ស្ថិតក្នុងចំណាត់ថ្នាក់លេខ ៧៣ លើតារាង Billbaord Hot 100 ក្នុងនាមជាតារាចម្រៀងចិនដំបូងគេបង្អស់ដែលជាប់លើតារាងមួយនេះ។
បើយោងទៅតាមតារាចម្រៀង Kris Wu ផ្ទាល់ លោកបានបញ្ជាក់ថា លោកបានចំណាយពេល ២ ឆ្នាំក្នុងការរៀបចំខ្លួនរបស់លោកនេះ ហើយលោកសង្ឃឹមថាលោកនឹងអាចក្លាយជាឈិនឡុងប្រចាំផ្នែកចម្រៀង ដែលអាចនាំលោកខាងលិច និងខាងកើតឲ្យមកនៅជាមួយគ្នា។
ជាការអរគុណចំពោះការជាប់ចំណាត់ថ្នាក់របស់លោកលើតារាង Billboard តារាចម្រៀង Kris Wu បាននិយាយតាមគណនី Weibo ថា៖ "ក្នុងនាមជាជនជាតិចិនមួយរូប ខ្ញុំពិតជាមានមោទនភាពណាស់។ តំណក់ឈាមរបស់ខ្ញុំគឺរត់កាត់តំណក់ឈាមនៃដូនតានៃអាណាចក្រពណ៌លឿងមួយនេះ។ យើងត្រូវធ្វើឲ្យពិភពលោកស្គាល់ចម្រៀងរបស់យើង។ នេះជាអ្វីដែលខ្ញុំខិតខំប្រឹងប្រែងធ្វើ"៕