តើត្រូវថែទាំម៉ាស៊ីនត្រជាក់ដូចម្តេច កុំឲ្យស៊ីភ្លើង និងប្រើប្រាស់បានយូរ?

2018-06-28 09:34:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារតែអាកាសធាតុចេះតែប្រែប្រួលមិនទៀងទាត់ ម្ដងក្ដៅម្ដងត្រជាក់នោះ ការប្រើប្រាស់ម៉ាស៊ីនត្រជាក់ បានក្លាយជារឿងសំខាន់ខ្វះមិនបាន ចំពោះជិវិតប្រចាំថ្ងៃ មិនថាតែនៅផ្ទះ នៅកន្លែងធ្វើការ ឬទីតាំងនានាឡើយ។ ដូច្នេះ ម៉ាស៊ីនត្រជាក់ត្រូវបានប្រើប្រាស់យ់ាងទូលំទូលាយ សឹងតែខ្វះមិនបាន។ យ៉ាងណាមិញ ដោយសារតែម៉ាស៊ីនត្រជាក់ត្រូវធ្វើការធ្ងន់បែបនេះហើយ ទើបធ្វើឲ្យវាឆាប់ខូច បើសិនជាមិនមានការត្រួតពិនិត្យឲ្យបានដិតដល់ និងជាប់លាប់នោះ។

ការឧស្សាហ៍លាងសម្អាតតម្រង ការថែទាំ និងពិនិត្យមើលម៉ាស៊ីនត្រជាក់បានទៀងទាត់ ជាកត្តាមួយដែលធ្វើឲ្យម៉ាស៊ីនត្រជាក់ដំណើរការល្អ ប្រើប្រាស់បានយូរ និងមិនត្រូវចំណាយប្រាក់ច្រើនក្នុងពេលជួសជុលម្ដងៗ។

បើតាមសម្ដីរបស់អ្នកជំនាញតែម្ដង ប្រសិនបើក្នុងរយៈពេលពេញមួយឆ្នាំ ម៉ាស៊ីនត្រជាក់របស់អ្នកមិនបានទទួលសេវាឆែកមើល ថែទាំទេនោះ ប្រសិទ្ធភាពក្នុងការប្រើប្រាស់របស់វានឹងធ្លាក់ចុះ ៥%។ អុីចឹងហើយ បើអ្នកភ្លេចមើល និងថែទាំម៉ាស៊ីនត្រជាក់រយៈពេល ៣ ឆ្នំាំនោះ ការប្រើប្រាស់របស់អ្នកធ្លាក់នៅសល់ត្រឹមតែ ៨៥% ប៉ុណ្ណោះ នៃគុណភាពដើម ១០០% របស់ម៉ាស៊ីនត្រជាក់។ មិនត្រឹមតែដំណើរការមិនបានពេញកម្លាំងនោះទេ វាក៏ធ្វើឲ្យអាយុកាលប្រើប្រាស់ម៉ាស៊ីនត្រជាក់ថយចុះផងដែរ ហើយស៊ីភ្លើងទៀត។

ម៉្យាងទៀត ការឧស្សាហ៍ឆែកមើល និងថែទាំម៉ាស៊ីនត្រជាក់ ក៏អាចជួយការពារពីការខូចខាតតិចតួច មិនឲ្យរាលដាលក្លាយជាការខូចខាតធ្ងន់ធ្ងរ ដែលត្រូវចំណាយប្រាក់ច្រើនដែរ។ ជាលទ្ធផលតាមការស្រាវជ្រាវ រាល់ម៉ាស៊ីនត្រជាក់ដែលទទួលបានការថែទាំងត្រឹមត្រូវ មានប្រសិទ្ធភាពរហូតដល់ ៩៥% ឯណោះ ទោះបីជាប្រើប្រាស់យូរឆ្នាំក៏ដោយ។ លើសពីនេះទៅទៀត ម៉ាស៊ីនត្រជាក់ដែលទទួលបានការថែទាំដិតដល់ អាចជួយគ្រប់គ្រងសំណើមបានល្អដែរ ពោលគឺមិនឲ្យខ្យល់មានសំណើមខ្លាំងពេក ដែលនាំឲ្យអ្នកមានអារម្មណ៍ថាស្អិតៗខ្លួនឡើយ។

ចុចអាន៖

អត្ថបទ៖ ផាត សុវត្ថិ