Angelina Jolie បញ្ចេញស្ទីលមិនចាញ់ Meghan Markle ក្នុងកម្មវិធីរាជវង្ស
- 2018-06-29 02:40:00
- ចំនួនមតិ 0 | ចំនួនចែករំលែក 0
Angelina Jolie បញ្ចេញស្ទីលមិនចាញ់ Meghan Markle ក្នុងកម្មវិធីរាជវង្ស
ចន្លោះមិនឃើញ
តារាសម្ដែង Angelina Jolie បានបង្ហាញខ្លួនជាមួយស្ទីលសម្លៀកបំពាក់ស្រដៀងគ្នាជាមួយនឹងស្ទីលរបស់ Meghan Markle ពេលចូលរួមកម្មវិធីរាជវង្សមួយនៅទីក្រុងឡុង ប្រទេសអង់គ្លេស។
តារាសម្ដែងឈ្នះពានអូស្ការវ័យ ៤៣ឆ្នាំរូបនេះ បានស្លៀកឈុតពណ៌សប្រផេះវាលករ ជាមួយនឹងមួក ដែលមើលទៅពិតជាមានលក្ខណៈថ្លៃថ្នូរនិងសាកសមក្នុងការបង្ហាញខ្លួនជាមួយខ្សែរាជវង្សអង់គ្លេស។
ចំពោះការតុបតែងម៉ូដសក់និងមួករបស់នាង គឺមានលក្ខណៈស្រដៀងទៅនឹង អ្វីដែល Meghan បានពាក់កាលពីខែមុន ក្នុងឱកាសចូលរួមកម្មវិធីមួយជាមួយព្រះអង្គម្ចាស់ Harry ក្រោយរៀបអាពាហ៍ពិពាហ៍។
អ្វីដែលគួរឲ្យចាប់អារម្មណ៍បំផុតនោះគឺ ឈុតសម្លៀកបំពាក់នេះបានកែច្នៃឡើងដោយ អ្នកច្នៃម៉ូដ Ralph & Russo ដែលជាអ្នកច្នៃម៉ូដឲ្យ Meghan ក្នុងឈុតស្លៀកដើម្បីថតរូបភ្ជាប់ពាក្យកាលពីប៉ុន្មានខែមុន។ នេះបញ្ជាក់ថា អ្នកទាំងពីរគឺសុទ្ធតែជាអ្នកចូលចិត្តការច្នៃម៉ូដរបស់ Ralph & Russo ដូចគ្នា៕