ដំណឹងក្ដៅៗ! ថ្ងៃច័ន្ទសប្ដាហ៍ក្រោយ ហាមធ្វើដំណើរតាមផ្លូវស្តុបផ្សារដីហុយដាច់ខាត
- 2018-06-29 11:08:20
- ចំនួនមតិ 0 | ចំនួនចែករំលែក 0
ដំណឹងក្ដៅៗ! ថ្ងៃច័ន្ទសប្ដាហ៍ក្រោយ ហាមធ្វើដំណើរតាមផ្លូវស្តុបផ្សារដីហុយដាច់ខាត
ចន្លោះមិនឃើញ
រដ្ឋបាលរាជធានីភ្នំពេញ ប្រកាសពីការពង្វាងចរាចរណ៍ក្នុងពិធីសម្ពោធដាក់ឲ្យប្រើប្រាស់ជាផ្លូវការ ស្ពានអាកាសមិត្តភាពកម្ពុជា-ចិន (ចំណុចស្តុបផ្សារដីហុយ) នៅថ្ងៃទី ០២ កក្កដា ឆ្នាំ ២០១៨ ចាប់ពីម៉ោង ៦ព្រឹកដល់ ១២ថ្ងៃត្រង់ ក្រោមអធិបតីភាពរបស់សម្ដេច ហ៊ុន សែន។
ជាមួយគ្នានេះ នៅអំឡុងពេលសាងសង់ ដើម្បីបញ្ចៀសបញ្ហាកកស្ទះចរាចរណ៍ រដ្ឋបាលរាជធានីភ្នំពេញ បានណែនាំប្រជាពលរដ្ឋ ម្ចាស់រថយន្តដឹកទំនិញគ្រប់ប្រភេទ និងម្ចាស់រថយន្តដឹកអ្នកដំណើរដែលត្រូវធ្វើចរាចរណ៍ចេញ-ចូលរាជធានីភ្នំពេញ ឆ្លងកាត់ទីតាំងខាងលើត្រូវពង្វាងចរាចរណ៍ដូចខាងក្រោមនេះ៖
១. ចំពោះរថយន្តចរាចរណ៍មកពីទិសខាងលិច តាមបណ្ដោយមហាវិថីសហព័ន្ធរុស្ស៊ី ពីព្រលានយន្តហោះចូលរាជធានី ត្រូវធ្វើដំណើរតាមផ្លូវពង្វាងទៅផ្លូវលេខ ២០០៤ បត់ស្ដាំទៅទិសខាងត្បូង ឬផ្លូវលេខ ២០១១ បត់ឆ្វេង ទៅទិសខាងជើង បត់ស្ដាំទៅទិសខាងត្បូងតាមផ្លូវបេតុងឆ្ពោះទៅវត្តអង្គតាមិញ។
២. ចំពោះរថយន្តចរាចរតាមបណ្ដោយមហាវិថីសហព័ន្ធរុស្ស៊ីចេញទៅក្រៅក្រៅរាជធានី ត្រូវធ្វើដំណើរតាមផ្លូវពង្វាងបត់ឆ្វេង ក្រោមស្ពានអាកាស ចូលផ្លូវណ័រប្រីត ឬបត់ស្ដាំត្រង់ ចំណុចក្រោមស្ពានអាកាស ទៅមហាវិថីមិត្តភាពភ្នំពេញ-ហាណូយ។
៣. ចំពោះរថយន្តចរាចរពីទិសខាងជើង ទៅទិសខាងត្បូង និងពីទិសត្បូងទៅទិសខាងជើងតាមមហាវិថីមិត្តភាពភ្នំពេញ-ហាណូយ និងផ្លូវលេខ១០១៩ (ណ័រប្រ៊ីត) ត្រង់ចំណុចក្រោមស្ពានអាកាសនេះអនុញ្ញាតឲ្យចរាចរធម្មតា។
នេះជាសេចក្ដីជូនដំណឹង៖