Galaxy Note9 ត្រៀមប្រកាសខែក្រោយ សមត្ថភាពមិនធម្មតា
- 2018-07-01 03:04:20
- ចំនួនមតិ 0 | ចំនួនចែករំលែក 0
Galaxy Note9 ត្រៀមប្រកាសខែក្រោយ សមត្ថភាពមិនធម្មតា
ចន្លោះមិនឃើញ
អ្នកបានចាប់កាន់ Galaxy Note9 ដំបូងគេឈ្មោះ Eldar Murtazin ដែលជាអ្នកជំនាញជើងចាស់មួយរូបនៅក្នុងសហគ្រាសស្មាតហ្វូន បានបង្ហាញឲ្យដឹងពីចំណុចពិសេសរបស់ស្មាតហ្វូនដែលត្រៀមប្រកាសចេញនៅខែសីហាខាងមុខ។
រូបរាងរបស់ Galaxy Note9 គឺស្ទើរតែដូចគ្នាបេះដាក់ទៅនឹង Galaxy Note8 ដោយខុសគ្នានៅផ្នែកខាងក្រោយបន្តិច។ Galaxy Note9 បានរំកិលទ្រនាប់ស្កេនមកដាក់នៅខាងក្រោមបង្គំកាមេរ៉ាភ្លោះវិញ ដើម្បីជៀសវាងការប៉ះកាមេរ៉ា ពេលចង់ស្កេនម្រាមដៃ។
បន្ថែមពីនេះ Galaxy Note9 មានទម្ងន់ធ្ងន់ជាង Galaxy Note8 បន្តិច ដោយមានផ្ទុកថ្មទំហំដល់ ៤០០០ mAh។ Eldar បានបញ្ជាក់ថាថ្មរបស់ Note9 អាចប្រើបាន ១ ទៅ ២ ថ្ងៃ សម្រាប់ការប្រើប្រាស់ធម្មតា និងចាក់វីដេអូបាន ២៣ ទៅ ២៥ ម៉ោងឯណោះ។
Note9 អាចនឹងមានប្រើបន្ទះឈីប Exynos ថ្មី ដោយលោក Eldar បានបញ្ជាក់ថាស្មាតហ្វូននេះមានដំណើរការលឿនជាងមុន។ និយាយពី RAM វិញ មានទំហំ ៦ GB/មេមូរី ១២៨ GB និងមានប្រភេទ RAM ៨ GB អមនឹងមេមូរីទំហំ ២៥៦ GB និង ៥១២ GB ទៀតផង។
ចំណែកកាមេរ៉ាវិញ លោក Eldar មិនបាននិយាយអ្វីច្រើនអំពីវានោះទេ ប៉ុន្តែទំនងជាមានសមត្ថភាពទប់លំនឹងបានកាន់តែប្រសើរជាងមុន។
អេក្រង់របស់ Note9 មានសមត្ថភាពបង្ហាញរូបភាពក្រោមពន្លឺថ្ងៃបានប្រសើរជាងមុន ដែលមានន័យថាផ្ទាំងអេក្រង់របស់វាមានពន្លឺភ្លឺជាងមុន។ ត្បិតថាដំណឹងទាំងនេះបានមកពីប្រភពគួរទុកចិត្ត ប៉ុន្តែរង់ចាំមើលការបង្ហាញខ្លួនផ្លូវការនៅថ្ងៃទី ៩ ខែសីហា ទាំងអស់គ្នា ពីចំណុចពិសេសរបស់ Galaxy Note9៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
