ខ្សែប្រយុទ្ធ Ronaldo មានកូនប៉ុន្មានហើយ គិតមកទល់ពេលនេះ?
- 2018-07-02 11:51:52
- ចំនួនមតិ 0 | ចំនួនចែករំលែក 0
ខ្សែប្រយុទ្ធ Ronaldo មានកូនប៉ុន្មានហើយ គិតមកទល់ពេលនេះ?
ចន្លោះមិនឃើញ
ក្នុងអាជីពបាល់ទាត់ ខ្សែប្រយុទ្ធ Cristiano Ronaldo ត្រូវបានមជ្ឈដ្ឋានជាច្រើន ទទួលស្គាល់ថាស្ថិតក្នុងចំណោមកីឡាករបាល់ទាត់ល្អបំផុតលើលោក។ ក្រៅអាជីពវិញ កីឡាករព័រទុយហ្គាល់គឺជាឪពុករបស់កូនប្រុសស្រីចំនួន ៤ នាក់ គិតមកទល់ពេលនេះ។
កូនទីមួយរបស់ Ronaldo គឺ Cristiano Ronaldo Jr. ដែលបច្ចុប្បន្នមានវ័យ ៧ ឆ្នាំហើយ។ កុមារាបានកើតនៅសហរដ្ឋអាមេរិក ហើយកំពុងរស់នៅក្នុងទីក្រុង Madrid ប្រទេសអេស្ប៉ាញជាមួយឪពុក និងលោកយាយបង្កើត Dolores។ កុមារា មានឈ្មោះក្រៅថា "Cristianinho” ដែលប្រែថា "Cristiano Little” ឬ "Cristiano តូច"។ រហូតមកទល់ពេលនេះ អត្តសញ្ញាណម្ដាយរបស់ Cristiano Ronaldo Jr. មិនត្រូវបានទម្លាយឲ្យដឹងនៅឡើយទេ។ បើតាមសំដីរបស់ខ្សែប្រយុទ្ធ Ronaldo នាពេលកន្លងទៅ ក្នុងកម្មវិធីមួយរបស់ពិធីករ Jonathan Ross កីឡាករបាននិយាយថា ខ្លួននឹងមិនទម្លាយប្រាប់សាធារណជនថា ម្ដាយរបស់កុមារាជានរណានោះទេ។ មនុស្សម្នាក់ដែល ខ្សែប្រយុទ្ធព័រទុយហ្គាល់នឹងប្រាប់នោះ គឺកុមារា Cristiano Ronaldo Jr. នេះឯង នៅពេលរូបគេធំដឹងក្ដី។
កូនទី ២ និងទី ៣ របស់កីឡាករព័រទុយហ្គាល់ គឺជាកូនភ្លោះ មានឈ្មោះ Eva និង Matteo។ បច្ចុប្បន្នពួកគេមានវ័យជាង ១ ខួបហើយ។ ពួកគេចាប់កំណើត តាមរយៈវិធីការពរពោះជំនួស។
កូនទី ៤ គឺជាកូនស្រីមានឈ្មោះថា Alana Martina។ ម្ដាយរបស់គេ គឺ Georgina Rodriguez ដែលជាមិត្តស្រីបច្ចុប្បន្នរបស់កីឡាករព័រទុយហ្គាល់។ Alana Martina មានវ័យជិត ១ខួប ហើយគិតមកទល់ពេលនេះ។
សូមបញ្ជាក់ផងដែរថា ក្នុងបទសម្ភាសន៍ជាមួយកាសែតបារាំងមួយកាលពីខែវិច្ឆិកា ឆ្នាំមុន Ronaldo ធ្លាប់បង្ហើបថា ខ្លួនចង់បានកូនសរុប ៧ នាក់៕