OnePlus 6 ចេញពណ៌ថ្មីមួយទៀត មានលក្ខណៈពិសេស ស្មាតហ្វូនផ្សេងគ្មានដូច

2018-07-03 10:04:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនផលិតទូរសព្ទកំពូលមានសមត្ថភាពខ្លាំង តែតម្លៃសមរម្យ OnePlus ទើបតែនឹងបានប្រកាសពីពណ៌ថ្មីមួយ ដែលនឹងចូលរួមជាមួយនឹងពណ៌ ៥ ផ្សេងទៀតដែលមានស្រាប់។

ពណ៌ដែលនឹងចូលខ្លួនមកមានលើទូរសព្ទ OnePlus 6 ស៊េរីចុងក្រោយនេះគឺ ពណ៌ក្រហម ដែលវានឹងមានសម្រាប់តែប្រភេទទំហំផ្ទុក ១២៨ GB និង RAM ទំហំ ៨ GB ដោយមានតម្លៃលក់នៅក្នុងទីផ្សារអាមេរិក ៥៧៩ ដុល្លារ ដូចពណ៌ផ្សេងទៀតដែរ។

និយាយពីតួពណ៌ក្រហមរបស់ OnePlus 6 នេះ បង្កើតឡើងដោយកញ្ចក់ចំនួន ៦ ស្រទាប់ ដោយវាបន្ថែមស្រទាប់ថ្មីមួយដែលការពារការចាំងផ្លាតរបស់ពន្លឺ។ ដូចនេះ ពន្លឺនឹងឆ្លងកាត់រាល់ស្រទាប់ទាំងអស់របស់ទូរសព្ទ ដោយមិនចាំងផ្លាតទៅវិញភ្លាមៗឡើយ ដោយពេលយើងមើលនឹងភ្នែកទៅ ទូរសព្ទ OnePlus 6 ពណ៌ក្រហមនេះ មានពណ៌ក្រហមដិតពោរពេញទៅដោយពន្លឺពីខាងក្នុងមកតែម្តង ដោយសារវាមិនផ្លាតចេញទៅវិញ។ បច្ចេកវិទ្យាកញ្ចក់ខាងខ្នងនេះមានតែ OnePlus 6 ប៉ុណ្ណោះ ដែលមានធ្វើនាពេលសព្វថ្ងៃនេះ។

តាំងតែពីពេលបង្ហាញខ្លួនក្នុងខែឧសភារួចមក OnePlus 6 ត្រូវបានលក់ចេញជាង ១ លានគ្រឿងបាត់ទៅហើយ ដោយចំណាយពេលត្រឹមតែ ២២ ថ្ងៃប៉ុណ្ណោះក្រោយថ្ងៃចេញលក់ ដែលនេះជាតួលេខល្អប្រសើរ លើសពីការរំពឹងទុករបស់ក្រុមហ៊ុនផ្ទាល់។ ដូច្នេះការបញ្ចេញលក់ពណ៌ក្រហមនេះ អាចធ្វើឲ្យអ្នករកទិញទូរសព្ទថ្មី ដែលស្រឡាញ់ពណ៌ស្រស់ឆើតឆាយ ងាកចិត្តមកប្រើ OnePlus 6 បាន។

ចុចអាន៖

ប្រភព៖ Cnet ប្រែសម្រួល៖ ផាត សុវត្ថិ