Update: គិតត្រឹមពេលនេះ ក្មេង៤នាក់បានចេញពីរូងភ្នំថាំហ្លួង តែម្នាក់មានស្ថានភាពធ្ងន់ធ្ងរ
- 2018-07-08 12:52:28
- ចំនួនមតិ 0 | ចំនួនចែករំលែក 0
Update: គិតត្រឹមពេលនេះ ក្មេង៤នាក់បានចេញពីរូងភ្នំថាំហ្លួង តែម្នាក់មានស្ថានភាពធ្ងន់ធ្ងរ
ចន្លោះមិនឃើញ
រហូតមកទល់ពេលនេះ ក្មេងប្រុសចំនួន៤នាក់ហើយត្រូវបានគេជួយសង្គ្រោះចេញពីរូងភ្នំថាំហ្លួង នៃខេត្តឈៀងរ៉ាយ ប្រទេសថៃ នាល្ងាចថ្ងៃអាទិត្យនេះ ប៉ុន្តែក្មេងប្រុសម្នាក់ក្នុងចំណោមនោះ កំពុងស្ថិតក្នុងស្ថានភាពធ្ងន់ធ្ងរ។
គួរបញ្ជាក់ថា ក្មេងប្រុស២នាក់ដំបូងត្រូវបានគេជួយសង្គ្រោះ ដោយម្នាក់ដើរចេញមកនៅវេលាម៉ោង ៥ និង ៤០នាទី ឯម្នាក់ទៀតនៅវេលាម៉ោង ៥ និង ៥០នាទីល្ងាច បន្ទាប់ពីជាប់ក្នុងរូងភ្នំនោះអស់រយៈពេល ១៦ថ្ងៃ។ មិនយូរប៉ុន្មាន ក្មេងប្រុសទី៣ និង ទី៤ ក៏ត្រូវបានសង្គ្រោះដែរ។ ក្មេងប្រុសទី១ ដែលបានដើរចេញមកក្រៅមុនគេ គឺ Mongkol Boonpiam អាយុ១៣ឆ្នាំ។
ឧទ្ធម្ភាគចក្រមួយគ្រឿងត្រូវបានគេមើលឃើញចាកចេញពីកន្លែងកើតហេតុ នៅម៉ោង ៧ និង ០៩នាទីយប់។ ពួកគេត្រូវបានដឹកតាមផ្លូវអាកាសទៅកាន់មន្ទីរពេទ្យ Chiangrai Prachanukroh Hospital ស្ថិតក្នុងស្រុក Muang ដែលស្ថិតនៅចម្ងាយ ៦០គីឡូម៉ែត្រ។
យ៉ាងណាមិញ មានរបាយការណ៍មិនទាន់ត្រូវបានបញ្ជាក់មួយនិយាយថា ក្មេងប្រុសទី៥ក៏ត្រូវបានគេជួយសង្គ្រោះចេញពីរូងភ្នំនោះដែរ៕
ព័ត៌មានលម្អិត សប្បាយ នឹងធ្វើការចុះផ្សាយបន្តទៀត
ចុចអាន៖