១ជើងរបស់ សុខ សាវិន ធ្វើឲ្យតាចាស់ Ri Da យួរដៃត្រឹមទឹក៤

2018-07-09 09:49:35
ចំនួនមតិ 0 | ចំនួនចែករំលែក 0

ចន្លោះមិនឃើញ

កូនសិស្សរបស់ ស៊ន អេលីត សុខ សាវិន ទាត់១ជើងឆ្វេង ឲ្យខ្លាចាស់របស់ថៃ Ri Da បោះបង់ការប្រកួតត្រឹមទឹកទី៤ បើទោះចង់បន្តទៀតក៏អាចដែរ ព្រោះដៃលើកលែងកើតហើយនាជំនួបមិត្តភាពអន្តរជាតិនាថ្ងៃសៅរ៍កន្លងទៅនេះ។

កីឡាករ សុខ សាវិន

សុខ សាវិន កាលពីថ្ងៃសៅរ៍កន្លងទៅនេះ ប្រកួតបានល្អមែនទែន វ៉ៃដោយបច្ចេកទេស និងចេញផ្លែធ្ងន់ៗតែម្ដង មិនថាការទាត់ផ្កាប់ចាន ទាត់ជើងក្រោម ការបត់កែង ឬបោះជង្គង់ទេ គឺសុទ្ធតែល្អ និងទទួលបានផល។

អ្នកប្រដាល់មកពីខេត្តបាត់ដំបងខាងលើ ព្យាយាមចូលវ៉ៃតាំងពីទឹកពីទឹកទី១មកម្ល៉េះ ព្រោះអីជាគូឯកប្រចាំសង្វៀន ប៉ុន្តែការវ៉ៃនេះក៏ត្រូវនិងកណ្ដាប់ដៃរបស់ Ri Da ម្ដងៗចង់វិលផងដែរផងដែរ ដោយសារកណ្ដាប់ដៃវ៉ៃសងវិញធ្ងន់និងច្បាស់ៗ។

សុខ សាវិន(ក្រហម)

ការបោះជង្គង់របស់អ្នកលេងគុនខ្មែរខាងលើ គឺចូលពេញៗតែម្ដង ស្របពេលកែងបត់ក៏ចូលមិនស្ទើរដែរ នៅតែមិនអាចផ្ដួលខ្លាចាស់ឆ្លងដែនមកពីថៃរូបនេះបានដដែល។ ដោយសារវ័យច្រើនផង និងត្រូវផ្លែធ្ងន់ៗផង នៅទឹកទី៤ Ri Da រងការទាត់ក្រោម និងទាត់ដៃស្ដាំមួយជើងក៏ឈឺដៃមិនអាចកម្រើកបានឡើយ។

សុខ សាវិន ពេលឈ្នះថៃ

រំលឹកដែរថា សុខ សាវិន ជាអ្នកប្រដាល់មកពីក្លឹបអេលីតគុនខ្មែររបស់អតីតកីឡាករតេក្វាន់ដូ គេប្រកួតចុងក្រោយរបស់គេផ្ដួលជើងខ្លាំងថៃ Ri Da ឲ្យសន្លប់ទឹកទី៤នាជំនួបមិត្តភាពអន្តរជាតិសង្វៀន TV5 កាលពីថ្ងៃសៅរ៍ ទី៧ ខែកក្កដា ឆ្នាំ២០១៨៕

វីដេអូប្រកួត៖