អបអរ! ក្មេងទី៦និងទី៧ ត្រូវគេជួយចេញពីរូងភ្នំថាំហ្លួង ដោយសុវត្ថិភាព! (មានវីដេអូ)

2018-07-09 11:59:37
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតមកទល់ពេលនេះ ក្មេងប្រុសថៃសរុបចំនួន៧នាក់ហើយ ដែលត្រូវបានគេជួយសង្គ្រោះចេញពីរូងភ្នំថាំហ្លួង នៅល្ងាចថ្ងៃច័ន្ទ ទី០៩ ខែកក្កដា ឆ្នាំ២០១៨ នេះ ខណៈក្មេងប្រុសរួមទាំងគ្រូបង្វឹករបស់ពួកគេសរុប ៦នាក់ទៀតកំពុងរង់ចាំការជួយសង្គ្រោះ។

ក្មេងប្រុសទី៦ បានចេញមកក្រៅនៅវេលាម៉ោង ៦ និង ២០នាទី ខណៈក្មេងប្រុសទី៧ នៅវេលាម៉ោង ៦ និង ៣០នាទីល្ងាច។ រយៈពេលនេះគឺ ២ម៉ោងបន្ទាប់ពីក្មេងទី៥ ត្រូវបានជួយសង្គ្រោះចេញពីរូងភ្នំខាងលើ នៅវេលាម៉ោង ៤ និង ៤៥នាទីរសៀលថ្ងៃច័ន្ទនេះ ហើយធ្វើដំណើរទៅដល់មន្ទីរពេទ្យដោយសុវត្ថិភាព នៅវេលាម៉ោង ៥ និង ៣៨នាទីល្ងាច។

ទោះបីជាយ៉ាងណាក៏ដោយ មិនទាន់មានការបង្ហាញឲ្យស្គាល់ពីអត្តសញ្ញាណ និងស្ថានភាពរបស់ពួកគេនៅឡើយទេ។

គួរបញ្ជាក់ថា ក្មេងៗដែលត្រូវបានគេជួយសង្គ្រោះ ត្រូវដឹងទៅកាន់មន្ទីរពេទ្យ Chiangrai Prachanukroh Hospital ស្ថិតក្នុងស្រុក Muang ដែលស្ថិតនៅចម្ងាយ ៦០គីឡូម៉ែត្រ។ ការសង្គ្រោះត្រូវបានចាប់ផ្ដើមតាំងពីម៉ោង ១១ព្រឹក។ ក្មេងប្រុសដទៃទៀតត្រូវគេរំពឹងថា នឹងអាចនាំចេញមកក្រៅនៅក្នុងថ្ងៃនេះដែរ។

គួររំលឹកឲ្យដឹងថា ក្មេងប្រុសចំនួន៤នាក់ដំបូង ត្រូវបានគេជួយសង្គ្រោះ កាលពីល្ងាចថ្ងៃអាទិត្យ ទី០៨ ខែកក្កដា ឆ្នាំ២០១៨៕

ព័ត៌មានបន្ថែម Sabay នឹងធ្វើការចុះផ្សាយបន្តទៀត

សូមទស្សនាវីដេអូខាងក្រោម៖

ចុចអាន៖