ហេតុអ្វីបានជាជប៉ុនទទួលរងទឹកភ្លៀងកម្រិតខ្ពស់ដូចនេះ?

2018-07-10 02:14:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្យុះទីហ្វុង និងភ្លៀងឥតឈប់ឈរបានធ្វើឲ្យប្រទេសជប៉ុន ទទួលកម្រិតទឹកភ្លៀងច្រើនលើសលប់រហូតបង្កជាទឹកជំនន់ និងការបាក់ដីដែលសម្លាប់មនុស្សច្រើនជាង ១២៦ នាក់បើគិតមកត្រឹមពេលនេះ។

កាលពីថ្ងៃទី ២៨ ខែមិថុនា ភ្លៀងបានធ្លាប់ជាច្រើនថ្ងៃជាប់ៗគ្នារហូតធ្វើឲ្យទន្លេ Osaka នៅកណ្ដាលទីក្រុង Gifu នៃកោះ Honshuឡើងខ្លាំង និងហូរបាក់ទំនប់តែម្ដង។ លើសពីនេះទៀត ភក់បានហូរចុះពីជ្រលងភ្នំដែលបានកាត់ផ្ដាច់ផ្លូវសំខាន់មួយសម្រាប់អ្នករស់នៅក្នុងតំបន់។ ក្រោយមកទៀត នៅថ្ងៃទី ៣ ខែកក្កដា ព្យុះទីហ្វុង Prapiroon បានបោកបក់មកលើកោះ Kyushu ភាគខាងជើងកោះ Honshu។ ព្យុះនេះ បានធ្វើឲ្យមានភ្លៀងធ្លាក់ខ្លាំងនៅតាមតំបន់ជាច្រើននៃកោះ Kyushu និង Honshu។

បន្ទាប់មកព្យុះទីហ្វុងត្រូវបានបញ្ចប់ ប៉ុន្តែពពកខ្មៅ និងទឹកភ្លៀងនៅតែបន្តធ្លាក់ឥតឈប់រយៈពេល ៣ថ្ងៃនៅក្នុងតំបន់ ដែលជាហេតុបង្កឲ្យមានទឹកជំនន់ និងគ្រោះមហន្តរាយដូចនេះតែម្ដង។ ទោះយ៉ាងណាក៏ដោយ អាជ្ញាធរជប៉ុនកំពុងខិតខំជម្លៀសប្រជាជនដែលរងគ្រោះទៅកាន់ទីសុវត្ថិភាព និងស្វែងរកអ្នកបាត់ខ្លួនបន្តទៀត៕