Microsoft ទើបប្រកាសចេញ Tablet សិស្សប្អូនមួយទៀត តម្លៃម៉ាអេម

2018-07-10 06:39:08
ចំនួនមតិ 0 | ចំនួនចែករំលែក 0

ចន្លោះមិនឃើញ

Microsoft ដែលជាក្រុមហ៊ុនផលិតប្រព័ន្ធប្រតិបត្តិការដ៏ពេញនិយមបំផុតលើលោក Windows នោះ ទើបតែបញ្ចេញផលិតផលថ្មីរបស់ខ្លួននៅក្នុងត្រកូល Surface ដែលវាមានឈ្មោះថា Microsoft Surface Go ដែលវានឹងចូូលរួមជាមួយ Surface Pro, Surface Laptop និង Surface Book ដែលជា Tablet និងកុំព្យូទ័រប្រភេទយកតាមខ្លួនបាន។

Microsoft Surface Go គឹជាប្រភេទ Tablet ដែលអាចប្រើប្រាស់បានដូចជាកុំព្យូទ័រដូច្នោះដែរ គឺវាប្រៀបដូចជាសិស្សប្អូនរបស់ Surface Pro គ្រាន់តែមានសមត្ថភាពខ្សោយជាង និងមានតម្លៃធូរថ្លៃ សមល្មមសម្រាប់អ្នកចង់បាន Table ប្រើដូចកុំព្យូទ័រ ដូចជាសិស្សានុសិស្សជាដើម។

វាប្រើប្រាស់អេក្រង់ទំហំ ១០ អុីញដែលតូចជាង Microsoft Surface Pro ដែលប្រើប្រាស់អេក្រង់ទំហំ ១២,៣ អុីញ តែវាធំជាង Tablet របស់ក្រុមហ៊ុន Apple គឹ iPad ឆ្នាំ ២០១៨ ដែលមានទំហំអេក្រង់ ៩,៧ អុីញ។ ដោយហេតុថាវាជាប្រភេទ Tablet ដែលមានតម្លៃទាប ដូចនេះហើយវាមិនបានបំពាក់មកជាមួយនឹង CPU Intel Core i ដែលមាននៅលើ Surface Pro នោះទេ ដោយជំនួសមកវិញដោយ CPU ប្រភេ Intel Pentium ដែលមានសមត្ថភាពខ្សោយជាង។ ប៉ុន្តែ បើអ្នកប្រើប្រាស់ Surface Go ត្រឹមសម្រាប់មើលវីដេអូ ប្រើអុីនធឺណិត និងសម្រាប់ឯកសារការងារការិយាល័យនោះ កម្រិតត្រឹម Intel Pentium អាចដំណើរការបានល្អប្រក្រតីមិនមានភាពរអាក់រអួលឡើយ។