ខ្ទង់​អំឡុង​ខែ​មេសា ក្រុមហ៊ុន OPPO បាន​បញ្ចេញ​ទូរសព្ទ ២ម៉ូដែល ទាំង​រូបរាង និង​ឈ្មោះ​សឹង​តែ​ដូច​គ្នា​បេះបិទ​ទៅ​ហើយ​គឺ OPPO R15 និង R15 Pro ដែល​ជា​ហេតុ​ធ្វើ​ឲ្យ​អ្នក​ប្រើប្រាស់​មួយ​ចំនួន​ហាក់​ភ័ន្តច្រឡំ​គ្នា ថា​ជា​ទូរសព្ទ​តែ​មួយ។

Sabay នឹង​លើក​យក ៣ចំណុច បង្ហាញ​ពី​ភាព​ខុសគ្នា​រវាង Smartphone ក្បាល​ឆក​ទាំង ២ ខាង​លើ៖

ទី១ R15 Pro មាន​បច្ចេកវិទ្យា​ការពារ​ជម្រាប​ទឹក IP67 សម្រាប់​ជម្រៅ ១ម៉ែត្រ រយៈ​ពេល​កន្លះ​ម៉ោង រីឯ R15 មិន​មាន​ឡើយ

ទី២ សេរ៊ី Pro ដើរ​លឿន​ជាង​បន្តិច​ដោយ​សារ​ប្រើ Chip ប្រភេទ Snapdragon 660, GPU Adreno 512, RAM 6GB រីឯ​សេរ៊ី​ធម្មតា​ប្រើ Chip MT6771 Helio P60, GPU Mali G-72, RAM 4/6GB

ទី៣ កាមេរ៉ា​មុខ​មាន​ទំហំ​ដូចគ្នា​ទេ តែ​កាមេរ៉ា​ក្រោយ​ពពួក Pro មាន ២ ទំហំ 16MP/ 20MP រីឯ R15 មាន ២គ្រាប់​ដែរ តែ​ទំហំ 16MP/ 5MP

ទី៤ R15 មាន​ការ​រចនា​ពិសេស​លាយ ៣ពណ៌ ក្នុង​សម្បក​តែ​មួយ​គឺ ស៊ីជម្ពូ ស្វាយ និង​ខៀវ ឈ្មោះ​ថា R15 Nebula Special Edition (មិន​មាន​លក់​នៅ​កម្ពុជា) ដែល​សហការ​ផលិត​រវាង OPPO និង​លោក Karim Rashid អ្នក​ឌីហ្សាញ​ល្បី​អាមេរិក ព្រម​ទាំង​មាន​ហត្ថលេខា​របស់​លោក​នៅ​សម្បក​ខាង​ក្រោយ​ផង​ដែរ

ក្រៅ​ពី ៤ ចំណុច​នេះ ទាំង​ថ្ម​ទំហំ ៣ ៤៣០mAh បច្ចេកវិទ្យា​សាក​ថ្ម​លឿន VOOC អេក្រង់ Super-V Display ទំហំ ៦,២៨អ៊ីញ ការ​រចនា​បែប Clean Desgin និង​បច្ចេកវិទ្យា​មួយ​ចំនួន​ទៀត សុទ្ធ​តែ​ដូចគ្នា​ទាំង​អស់៕