កំពុងរកទិញទូរទស្សន៍មែនទេ? មើល ៥ ម៉ូដែលនេះដឹងតែពេញចិត្ត

2018-07-11 04:01:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ការវិវត្តបច្ចេកវិទ្យាលើ Smart TV ក្នុងឆ្នាំ ២០១៨ កំពុងអភិវឌ្ឍកាន់តែខ្លាំងឡើង ជាកត្តាធ្វើឲ្យទីផ្សារប្រកួតប្រជែងហាក់មានភាពមមាញឹកខ្លាំង មិនចាញ់ឧស្សាហកម្មស្មាតហ្វូនឬកុំព្យូទ័រនោះឡើយ។ ផ្អែកតាមក្រុមការងារ Forbes បានណែនាំបង្ហាញនូវទូរទស្សន៍ឆ្លាតវៃ ៥ ម៉ូឌែល ក្រោមការតេស្តសកល្បងទាំង ៥៥ ម៉ូឌែលខុសពីគ្នា ទីបំផុតអាចរកឃើញជើងខ្លាំងប្រចាំឆ្នាំ ២០១៨។

១.LG B7A:

ប្រភេទអេក្រង់: OLED
ទំហំអេក្រង់/តម្លៃ: ៥៥ អ៊ីញ ថ្លៃ ១ ៥៩៩ ដុល្លារ | ៦៥ អ៊ីញ ថ្លៃ ២ ៥៩៩ ដុល្លារ

LG B7A 4K OLED ជាទូរទស្សន៍ឆ្លាតវៃដ៏ពេញនិយមមួយ តាមរយៈការបំពាក់នូវមុខងារពិសេសច្រើន។ អមផ្ទៃកម្មវិធី webOS 3.5 ជួយលើកសម្រស់ឲ្យកាន់តែប្រសើរមួយកម្រិតទៀត លាយឡំបច្ចេកវិទ្យា Intense Color សក្ដិសមការទស្សនាខ្សែភាពយន្តឬលេងហ្គេមក្នុងបន្ទប់ងងឹតដោយគ្មានបញ្ហា។ អ្វីដែលពិសេសមុខងារ Active HDR ជាមួយ Dolby Vision™ ទទួលបទពិសោធន៍ខ្ពស់ដូចទស្សនាក្នុងរោងភាពយន្ត។

២.Sony X900E:

ប្រភេទអេក្រង់: LED
ទំហំអេក្រង់/តម្លៃ: ៤៩ អ៊ីញ ថ្លៃ ៧៩៨ ដុល្លារ | ៦៥ អ៊ីញ ថ្លៃ ១ ៤៩៨ ដុល្លារ | ៧៥ អ៊ីញ ថ្លៃ ១ ៩៩៩ ដុល្លារ

ចង់បានទូរទស្សន៍អេក្រង់កម្រិត 4K ជាមួយតម្លៃទាប Sony X900E សក្ដិសមសម្រាប់លោកអ្នកបំផុត។ ជាប្រភេទ Android TV មានដំណើរការកម្មវិធីច្រើនមកពីនាយ បន្សំគុណភាពបង្ហាញពណ៌ច្បាស់ដិតល្អ មិនថាតែនៅទីតាំងងងឹតនិងមានពន្លឺខ្លាំង។ អ្វីដែលពិសេសគឺទំហំអេក្រង់ធំ ត្រូវប៉ាន់រាល់ជម្រើសដែលអ្នកត្រូវការ។

៣.LG SK9000:

ប្រភេទអេក្រង់: LED
ទំហំអេក្រង់/តម្លៃ: ៥៥ អ៊ីញ ថ្លៃ ១ ១៩៦ ដុល្លារ | ៦៥ អ៊ីញ ថ្លៃ ១ ៧៩៦ ដុល្លារ

ជាប្រភេទ Smart TV ធុនកណ្តាលបង្កប់ដោយមុខងារពិសេសច្រើន អាចបង្ហាញរូបភាពក្នុងកម្រិតច្បាស់ត្រជាក់ភ្នែកនៅពេលថ្ងៃ ប៉ុន្តែក្នុងទីតាំងងងឹតធ្វើពុំបានប្រសើរខ្លាំងដូច Sony X900E នោះឡើយ។ មុខងារឆ្លាតវៃ ដំណើរការលើផ្ទៃកម្មវិធី webOS 4.0 មានភាពរហ័សនិងងាយស្រួលប្រើ ដោយការបញ្ជាប្រើតាមរយៈ Mouse ដូចមានលើ PC។

៤.TCL R617:

ប្រភេទអេក្រង់: LED
ទំហំអេក្រង់/តម្លៃ: ៥៥ អ៊ីញ ថ្លៃ ៦៤៩ ដុល្លារ | ៦៥ អ៊ីញ ថ្លៃ ១ ០៩៩ ដុល្លារ

ជាប្រភេទទូរទស្សន៍ឆ្លាតវៃមានតម្លៃធូរថ្លៃ អាចបង្ហាញរូបភាពដល់កម្រិត 4K បន្សំមុខងារ HDR Dolby Vision។ មានរន្ធដោត HDMI 2.0 ចំនួន ៣ រន្ធដោត USB 1 រន្ធដោតកាស ក៏ដូចជារន្ធ Ethernet ជាដើម។ ពិសេសត្រង់ Smart TV នេះអនុញ្ញាតឲ្យអ្នកប្រើអាចទស្សនាខ្សែភាពយន្តច្រើនជាង ៥០០ ០០០ ភាគ តាមរយៈ Roku TV។

៥.TCL S405:

ប្រភេទអេក្រង់: LED
ទំហំអេក្រង់/តម្លៃ: ៤៣ អ៊ីញ ថ្លៃ ២៧៩ ដុល្លារ | ៤៩ អ៊ីញ ថ្លៃ ៣២៩ ដុល្លារ | ៥៥ អ៊ីញ ថ្លៃ ៣៧៩ ដុល្លារ | ៦៥ អ៊ីញ ថ្លៃ ៨៤៥ ដុល្លារ

កាន់តែធូរថ្លៃជាងម៉ូឌែល TCL R617 ប៉ុន្តែខុសត្រង់ម៉ាកនេះគ្មានមុខងារ HDR ពោលគឺកម្រិតរូបភាពបង្ហាញចេញមកនៅមានកម្រិត។ ប៉ុន្តែបើធៀបនឹងតម្លៃ ពិតជាសក្ដិសមសម្រាប់អ្នកចង់ភ្លក់រសជាតិ Smart TV អេក្រង់ធំ លាយឡំមុខងារពិសេសៗ។