Man Utd អញ្ជើញក្មេងៗ និងគ្រូបង្វឹកថៃទាំង ១៣ នាក់ទៅ Old Trafford នាពេលខាងមុខ

2018-07-10 12:47:57
ចំនួនមតិ 0 | ចំនួនចែករំលែក 0

ចន្លោះមិនឃើញ

អម្បាញ់មិញនេះ ក្លឹប Manchester United បានបង្ហោះសារ អញ្ជើញក្មេងៗ និងគ្រូបង្វឹកថៃទាំង ១៣ នាក់ដែលបានជាប់ក្នុងល្អាងភ្នំ Tham Luang មកកីឡដ្ឋាន Old Trafford នាពេលខាងមុខ។

ប្រភព៖ Channel News Asia

ក្លឹបបិសាចក្រហម បានសរសេរលើបណ្ដាញទំនាក់ទំនងសង្គមខ្លួនថា៖ "ក្លឹប Manchester United មានអារម្មណ៍ធូរស្រាលមែនទែន ពេលទទួលដំណឹងថា កីឡាករបាល់ទាត់ក្មេងៗ និងគ្រូបង្វឹករបស់ពួកគេ ដែលបានជាប់ក្នុងល្អាងភ្នំនៅប្រទេសថៃ មានសុវត្ថិភាពហើយនៅពេលនេះ។ ពួកយើងសូមបួងសួងដល់ភាគីពាក់ព័ន្ធទាំងអស់ ទាក់ទងនឹងហេតុការណ៍នេះ"។

ក្លឹបជើងឯកអង់គ្លេស ២០សម័យបានបន្ត៖ "យើងសូមអញ្ជើញក្រុមបាល់ទាត់ Wild Boars ក៏ដូចជាក្រុមអ្នកសង្គ្រោះមកកីឡដ្ឋាន Old Trafford នារដូវកាលខាងមុខនេះ"។

សូមបញ្ជាក់ផងដែរថា កីឡាករបាល់ទាត់ក្មេងៗ និងគ្រូបង្វឹកថៃចំនួន ១៣ នាក់បានជាប់ក្នុងល្អាងភ្នំ Tham Luang អស់រយៈពេលជាង ២សប្ដាហ៍។ ប្រមាណជាងមួយម៉ោងមុននេះ ពួកគេទាំង ១៣ នាក់ត្រូវបានរាយការណ៍ថា បានចាកចេញដោយសុវត្ថិភាពពីល្អាងភ្នំ។

ការជាប់របស់ពួកគេក្នុងល្អាងភ្នំ Tham Luang បានបង្កការភ្ញាក់ផ្អើល និងបានទាក់ទាញចំណាប់អារម្មណ៍ដល់សារព័ត៌មានជាតិ និងអន្តរជាតិជាច្រើន៕

ប្រភព៖ manutd ប្រែសម្រួល៖ ហ៊ីម រស្មី