មកដឹង Messi , Maradona និង Pele សរសើរ Ronaldo យ៉ាងមិចខ្លះ នៅ Real Madrid
- 2018-07-11 02:54:34
- ចំនួនមតិ 0 | ចំនួនចែករំលែក 0
មកដឹង Messi , Maradona និង Pele សរសើរ Ronaldo យ៉ាងមិចខ្លះ នៅ Real Madrid
ចន្លោះមិនឃើញ
Cristiano Ronaldo បានសម្រេចចាកចេញពីក្លឹប Real Madrid ហើយ ក្រោយពីរួមរស់ជាមួយក្លឹបយក្សនៅអេស្ប៉ាញ៩ឆ្នាំមកនេះ។ ក្លឹបថ្មីរបស់គេ គឺ Juventus មានកុងត្រា៤ឆ្នាំ និងប្រាក់ឈ្នួល៥សែនផោន ក្នុងមួយសប្ដាហ៍។
ទន្ទឹមនឹងការចាកចេញទៅនេះដែរ Ronaldo បានបន្សល់ទុកនៅកំណត់ត្រាជាច្រើន ជាមួយក្រុម Real Madrid ដោយក្លាយជាកីឡាកររកគ្រាប់បាល់បានច្រើនក្នុងក្លឹបនេះ ជាកីឡាករឈ្នះពាន UEFA Champions League បានច្រើន និងបានក្លាយជាវីរបុរសក្នុងប្រវត្តិសាស្ត្ររបស់ Real Madrid ថែមទៀត។ មិនត្រឹមតែកីឡាករនៅក្លឹបអធិរាជសផ្ទាល់ដែលតែងតែសរសើរចំពោះ បុរសមានប្រវត្តិតស៊ូនេះនោះទេ សូម្បីតែ Lionel Messi , Maradona និង Pele ក៏ធ្លាប់និយាយសរសើរដែរ។ ខាងក្រោមនេះជាសម្ដីរបស់បុរសល្បីឈ្មោះក្នុងវិស័យបាល់ទាត់ទាំង៣នាក់ និយាយទៅកាន់ Ronaldo ។
Lionel Messi
ត្បិតតែជាគូប្រជែងនៅលើទីលានពិតមែន ប៉ុន្តែ Messi បាននិយាយថា៖ “Cristiano Ronaldo ជាកីឡាករដ៏អស្ចារ្យ ដែលមានកម្រិតល្អខ្លាំងណាស់។ គាត់តែងតែបង្កើតកំណត់ត្រារាល់ឆ្នាំ ដែលនេះជាអ្វីធ្វើឱ្យគាត់ក្លាយជាកីឡាករល្អបំផុតលើលោកនេះ”។
Maradona
វីរបុរសបាល់ទាត់អាហ្សង់ទីន Maradona បាននិយាយថា៖ “Cristiano ជាផ្នែកមួយនៃបេតិកភណ្ឌបាល់ទាត់។ គាត់ជាកីឡាករម្នាក់ក្នុងចំណោមកីឡាករដែលតែងតែប្រឹងប្រែងដោយខ្លួនឯង ហើយអាចជួយក្រុមទៅរកភាពជោគជ័យបាននៅចុងបញ្ចប់”។
Pele
វីរបុរសបាល់ទាត់ប្រេស៊ីល បាននិយាយចំពោះ Ronaldo ថា៖ “គ្មានការសង្ស័យទេ ចំពោះសមត្ថភាពរបស់គាត់ក្នុងនាមជាកីឡាករបាល់ទាត់។ ខ្ញុំគិតថាបច្ចុប្បន្ននេះ គ្មានអ្វីត្រូវសង្ស័យឡើយ ចំពោះ Cristiano Ronaldo ជាកីឡាករល្អបំផុតលើលោកនេះ។ គាត់ជាអ្នករកគ្រាប់បាល់ល្អបំផុត និងជាខ្សែប្រយុទ្ធល្អបំផុត”៕