នរណាមិនល្បី! អ្នកលក់ក៏ស្រស់ស្អាត នំខេកក៏ឆ្ងាញ់ មាននៅស្រុកឈូក ខេត្តកំពត

2018-07-14 02:32:45
ចំនួនមតិ 0 | ចំនួនចែករំលែក 0

ចន្លោះមិនឃើញ

នារីវ័យក្មេងម្នាក់បានផ្ដើមលក់នំខេកដំបូងគេនៅស្រុកម្ដុំផ្សារឈូក ខេត្តកំពត ដែលអ្នកចូលញុំាតែងសរសើរថា អ្នកលក់ស្រស់ស្អាត ហើយនំខេកក៏ឆ្ងាញ់។ ចង់ដឹងសម្រស់ និង ការធ្វើនំខេកបែបណានោះ សូមទស្សនារូបភាព អមដោយការរៀបរាប់ខាងក្រោមនេះ៖

សូមចុចអាន៖ អ្នកធ្វើដំណើរភាគច្រើនស្គាល់ទាអាំងឆ្ងាញ់ ស្រុកឈូក ខេត្តកំពត តែប្រវត្តិកន្លែងលក់អាចមិនសូវដឹង

១. កញ្ញា ហ៊ុយ សម្ផស្ស វ័យ២២ឆ្នាំ ជាម្ចាស់ហាងនំខេកដ៏ល្បីមួយកន្លែង នៅ ផ្សារ ឈូក ស្រុកឈូក ខេត្តកំពត។ សម្ផស្ស បានបន្តមុខរបរនេះពីម្តាយ នៅឆ្នាំ ២០១៥ បន្ទាប់ពីបានទៅរៀនវិជ្ជាធ្វើនំខេក ពីម្តាយមីងនៅខេត្តក្រចេះ មួយឆ្នាំ។ វត្តមានរបស់សម្ផស្ស បានផ្លាស់ប្ដូរមុខមាត់ថ្មីនៃហាងនំខេក ដែលមិនសូវមានអ្នកស្គាល់នេះ។

២. ការចូលមកកាន់មុខរបរនេះ សម្ផស្សបានរៀបចំហាងឱ្យស្អាតបាតល្អ មានស្លាកយីហោច្បាស់លាស់ ពិសេសច្នៃនំខេករបស់ខ្លួនឱ្យឆ្ងាញ់ជាងមុន។ សម្ផស្សបានផលិតនំខេកជាច្រើន ដើម្បីចែកជូនភ្ញៀវ ញាតិ មិត្ត អតិថិជន ញ៉ាំដោយឥតគិតថ្លៃ ដើម្បីឱ្យពួកគេជួយផ្សព្វផ្សាយនំរបស់នាង។ នៅក្នុងហាង សម្ផស្សជាអ្នកទទួលភ្ញៀវដោយផ្ទាល់ ហើយមានសៀវភៅរូបភាពនំខេក គ្រប់ម៉ូត គ្រប់ទំហំ តាមតម្រូវការសម្រាប់ភ្ញៀវកុម៉ង់។

៣. ការផលិតនំខេក ដែលចាប់ផ្ដើមពីការលាយម្សៅ ដុតនំ លាយប័រ រចនាលើនំ ត្រូវកញ្ញាសម្ផស្សធ្វើឡើង ស្ទើរពេញមួយថ្ងៃ ព្រោះបច្ចុប្បន្ននេះមានអតិថិជនមកទិញយ៉ាងច្រើន។ ការផលិតនំរបស់នាងផ្ដោតជាសំខាន់ទៅលើ អនាម័យ រសជាតិ និង រចនាបថ។ នៅក្នុងរូបនេះ សម្ផស្សកំពុងក្រឡុកប័រ ដើម្បីយកទៅរចនាលើនំខេករបស់នាង។

៤. ក្រៅពីការផលិតនំខេកខ្នាតធម្មតា ដែលមានតម្លៃថ្លៃ សម្ផស្សបានផលិតនំខេកតូចៗ (cup cake) សម្រាប់លក់ជូនសិស្សសាលាតូចៗ ដែលមានប្រាក់ចាយតិចៗផងដែរ។ នាងចង់ឱ្យនំខេក ក្លាយជានំដែលមនុស្សគ្រប់គ្នាអាចទទួលទានបាន ដោយមិនចាំបាច់មានកម្មវិធីធំដុំឡើយ។

៥. ចាប់តាំងពីនាងចូលមកផលិតនំ និង លក់ជំនួសម្ដាយ ការលក់របស់នាងកើនឡើងពីមួយខែលក់បាននំខេក១ រហូតដល់ មួយថ្ងៃលក់បាននំខេក ១០។ ភាគច្រើននៃអតិថិជនរបស់ហាងនំសម្ផស្ស គឺជាយុវវ័យសិស្សសាលា។ នៅក្នុងរូបនេះ សម្ផស្សកំពុងទទួលការកុម្ម៉ង់នំខេកពីអតិថិជនវ័យក្មេងរបស់នាង៕