វែកមុខឃើញស្រ្តីវ័យ ២១ ឆ្នាំ ជើងខ្លាំងពូកែតាម Hack គណនី Selena Gomez បានហើយ
- 2018-07-16 12:37:13
- ចំនួនមតិ 0 | ចំនួនចែករំលែក 0
វែកមុខឃើញស្រ្តីវ័យ ២១ ឆ្នាំ ជើងខ្លាំងពូកែតាម Hack គណនី Selena Gomez បានហើយ
ចន្លោះមិនឃើញ
ស្រ្តីវ័យ ២១ ឆ្នាំឲ្យឈ្មោះ Susan Atrach រស់នៅរដ្ឋ New Jersey ត្រូវបានចោទប្រកាន់កាលពីសប្តាហ៍មុនជុំវិញការ Hack គណនី Email និងលួចរក្សាទុកទិន្នន័យរបស់តារាចម្រៀងស្រី Selena Gomez ។ នេះបើយោងតាមនាយកដ្ឋានប៉ូលិសក្នុងទីក្រុង Los Angeles បានចុះផ្សាយ។
Atrach ត្រូវបានចោទប្រកាន់លើ ១១ ករណីខុសពីគ្នា មាន ៥ ករណីទាក់ទងនឹងការលួចអត្តសញ្ញាណ, ៥ ករណីពាក់ព័ន្ធការលួចចូលប្រើប្រាស់ទិន្នន័យកុំព្យូទ័រ គ្រប់គ្រង ទទួលប្រាក់ឬឯកសារណាមួយ និងករណីចុងក្រោយការលួចយកឯកសារដោយគ្មានការអនុញ្ញាតពីសាមីខ្លួន។
របាយការណ៍ពី Page Six ធ្លាប់បញ្ជាក់កន្លងទៅចន្លោះខែមិថុនា ឆ្នាំ ២០១៥ ដល់ កុម្ភ ឆ្នាំ ២០១៦ Selena ត្រូវបានគេ Hack ច្រើនលើកច្រើនសារ ពោលក៏អាចមានជាប់ទាក់ទងនឹងទង្វើរបស់ Atrach ផងដែរ ដោយយករូបអាក្រាតរបស់នាងជាមួយ Justin Bieber ទៅបង្ហោះលើ Instagram ប៉ុន្តែត្រូវបានលុបចេញវិញនៅប៉ុន្មានម៉ោងក្រោយ។
ជនដៃដល់រំពឹងទុកនឹងត្រូវកោះហៅចូលកាត់ក្តីក្នុងសវនាការនៃតុលាការកំពូលប្រចាំទីក្រុង Los Angeles ដោយអាចប្រឈមនឹងការជាប់ពន្ធនាគាររយៈពេល ៩ ឆ្នាំ ហើយបង់ពិន័យជាសាច់ប្រាក់ប្រមាណ ២៥០ ០០០ ដុល្លារ ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
