ក្រុមអ្នកគាំទ្រកំពុងកើតទុក្ខមិនសុខចិត្ត ក្រោយលេចព័ត៌មាន សន្តិសុខ EXO វាយចំដើមទ្រូងអ្នកគាំទ្រស្ត្រីម្នាក់
- 2018-07-16 13:29:59
- ចំនួនមតិ 0 | ចំនួនចែករំលែក 0
ក្រុមអ្នកគាំទ្រកំពុងកើតទុក្ខមិនសុខចិត្ត ក្រោយលេចព័ត៌មាន សន្តិសុខ EXO វាយចំដើមទ្រូងអ្នកគាំទ្រស្ត្រីម្នាក់
ចន្លោះមិនឃើញ
ក្រុមអ្នកគាំទ្រជាច្រើន បាន និងកំពុងបញ្ចេញប្រតិកម្មកើតទុក្ខមិនសុខចិត្ត ក្រោយស្ត្រីជាអ្នកគាំទ្រម្នាក់របស់ក្រុមបានចេញមុខចោទ សន្តិសុខនៅក្នុងការប្រគំតន្ត្រីរបស់ EXO បានដាល់នាងចំកណ្ដាលដើមទ្រូង។
ស្ត្រីអ្នកគាំទ្រដែលទើបជាពីការវះកាត់បេះដូង បានអះអាងថា នាងត្រូវសន្តិសុខរបស់ក្រុម EXO បានប្រើប្រាស់អំពើហិង្សាលើនាង នៅក្នុងការប្រគំតន្ត្រីមួយរបស់ EXO កាលពីថ្ងៃទី ១៣ មិថុនា ២០១៨ ក្រោយពីនាងបានស្នើសុំសន្តិសុខចូលទៅមើលការប្រគំតន្ត្រីខាងលើ។
នៅលើ Instagram របស់ខ្លួន ស្ត្រីរងគ្រោះ បានរៀបរាប់ថា ដំបូងឡើយ នាងបានសុំសន្តិសុខបុរសនោះ ចូលទៅក្នុងបរិវេណការប្រគំតន្ត្រី ហើយភ្លាមនោះ គេបានតបថា ឆ្កួតមែន ប៉ុន្តែបានព្រមនាំនាងទៅ។ ប៉ុន្តែពេលកំពុងធ្វើដំណើរទៅ នាងបាននឹកឃើញថា នាងភ្លេចរបស់មួយនៅបន្ទប់ដាក់ឥវ៉ាន់ ក៏បានសុំសន្តិសុខរូបនោះ ទៅយកវិញ។ ប៉ុន្តែសន្តិសុខមិនព្រម នាងបានចាប់អូសដៃនាងទៅ ហើយទំនងកំហឹងឆាបឆេះ សន្តិសុខខាងលើក៏បានដាល់នាងចំបរិវេណទ្រូងធ្វើឲ្យមានការចុកចាំ។
“ខ្ញុំទើបវះកាត់បេះដូងរយៈពេល ៤ខែ ឥឡូវនេះស្ថិតក្នុងដំណាក់ការព្យាបាលនៅឡើយ ហើយពេទ្យប្រាប់ថា ឲ្យប្រយ័ត្នកុំឲ្យមានការប៉ះទង្គិចនៅបរិវេណដែលបានវះកាត់ ព្រោះបើមិនមានបញ្ហាអ្វីទេ ខ្ញុំមិនចាំឆ្លងកាត់ការវះកាត់ទៀតនោះទេ ប៉ុន្តែឥឡូវខ្ញុំត្រូវសន្តិសុខវាយខ្ញុំត្រង់កន្លែងហ្នឹង ធ្វើឲ្យខ្ញុំអស់សង្ឃឹមហើយ!”។
ស្ត្រីអ្នកគាំទ្របានទាមទារឲ្យអ្នកបង្កចេញមកទទួលខុសត្រូវ ចំពោះទង្វើរបស់គេ ដោយចេញមកសុំទោសនាង។ ក្រោយលេចលឺដំណឹងនេះ អ្នកគាំទ្ររបស់ EXO ជាច្រើនបានបន្តចែកចាយការទួញសោករបស់ស្ត្រីរងគ្រោះ ដោយបានតែភ្ជាប់ឈ្មោះជនបង្កផង ក្នុងចេតនាឲ្យសន្តិសុខរូបនោះ រួមទាំងផលិតកម្ម SM Entertainment របស់ EXO ផង ចេញមុខមកទទួលខុសត្រូវ។
បែបនេះក្ដី មកទល់នឹងម៉ោងនេះ មិនទាន់មានភាគីខាង EXO មិនទាន់ឃើញមានប្រតិកម្មបែបណានៅឡើយចំពោះករណីនេះ៕