កុមារវិវឌ្ឍយឺតនឹងរីកចម្រើនឆាប់រហ័សបើឪពុកម្តាយយល់ច្បាស់ពីចំណុចសំខាន់នេះ
- 2018-07-17 03:12:57
- ចំនួនមតិ 0 | ចំនួនចែករំលែក 0
កុមារវិវឌ្ឍយឺតនឹងរីកចម្រើនឆាប់រហ័សបើឪពុកម្តាយយល់ច្បាស់ពីចំណុចសំខាន់នេះ
ចន្លោះមិនឃើញ
ឪពុកម្តាយមួយចំនួនដែលមានកូនវិវឌ្ឍយឺតមិនប្រក្រតី តែងទុកកូនឲ្យនៅផ្ទះ ឬ ដាក់កូននៅដាច់ឆ្ងាយពីសង្គម ព្រោះបារម្ភខ្លាចគេធ្វើបាបកូន ឬខ្លះខ្លាចខ្មាសគេឯងជាដើម ដែលទង្វើទាំងនេះអាចធ្វើឲ្យស្ថានភាពកុមារកាន់តែអាក្រក់ជាលំដាប់។
«ជាការពិតទៅ កុមារមានបញ្ហាបែបនេះនឹងអាចប្រសើរឡើងបាន ស្ទើរតែដូចកុមារប្រក្រតី ប្រសិនបើគេទទួលបានការព្យាបាល និងបង្ហាត់បង្រៀនត្រឹមត្រូវបានទាន់ពេលវេលា ពោលគឺ ព្យាបាលកាន់តែឆាប់កាន់តែល្អ។ ហើយបើទោះជាកុមារមានបញ្ហាការលូតលាស់មិនប្រក្រតី ឬខ្សោយបញ្ញា ពួកគេមិនគួរដាក់ឲ្យនៅដាច់ដោយឡែកពីក្មេងធម្មតាឡើយ ខណៈការបង្រៀនពិសេសស្របតាមលក្ខខណ្ឌសុខភាពរបស់ពួកគេក៏ត្រូវតែមានទន្ទឹមគ្នា»។ នេះបើតាមការឲ្យដឹងពីអ្នកគ្រូជំនាញបង្រៀនថ្នាក់ពិសេស Maybelle G. Arca ដែលមានបទពិសោធន៍បង្រៀន ៤ឆ្នាំ និងសញ្ញាប័ត្រផ្នែក Special Education ពីហ្វីលីពីន។
«យើងមានបច្ចេកទេសបង្រៀន និងតិចនិកព្យាបាល សម្រាប់កុមារមានវិវឌ្ឍយឺត ឬមិនប្រក្រតី ។ ដំបូងយើងនឹងឲ្យពួកគេទទួលការពិនិត្យសុខភាពដោយវេជ្ជបណ្ឌិតជំនាញដើម្បីឲ្យដឹងច្បាស់ថាគេខ្សោយបញ្ញា ឬ អសមត្ថភាពអ្វី? គេត្រូវការ ការព្យាបាលរបៀបណាខ្លះ? ហើយយើងនឹងរៀបចំកម្មវិធីបង្រៀនបំពេញចន្លោះនៃចំណុចខ្សោយរបស់ពួកគេខុសៗគ្នា»។ អ្នកគ្រូបញ្ជាក់បន្ថែម។
ដូច្នេះហើយបានជានៅ សាលាមតេ្តយ្យអន្តរជាតិ My Little Pumpkin ហៅកុមារដែលមានបញ្ហាខាងលើថាជាកុមារត្រូវការជំនួយពិសេស ព្រោះគេជឿជាក់ថាកុមារទាំងនេះនឹងអាចរីកចម្រើន អាចរៀន និងចូលរួមក្នុងសកម្មភាពសង្គមដូចក្មេងទូទៅ ដរាបណាគេទទួលបានការបង្ហាត់បង្រៀនត្រឹមត្រូវ ដែលក្នុងនោះក៏ទាមទារការចូលរួមរបស់ឪពុកម្ដាយដោយផ្ទាល់ដែរ។
ដូច្នេះហើយ នៅថ្ងៃទី ៤ សីហា ២០១៨ វេលាម៉ោង ៩ព្រឹក ដល់ ១១ព្រឹក សាលាមត្តេយ្យអន្តរជាតិ My Little Pumpkin នឹងរៀបចំសិក្ខាសាលាពិសេស រយៈពេល ២ម៉ោង ស្តីពី «ការជួយទាន់ពេលវេលា និង បច្ចេកទេសព្យាបាល» (Special needs early intervention & Therapy techniques) នៅទីតាំងសាលាដោយផ្ទាល់ ដើម្បីជួបផ្ទាល់ជាមួយឪពុកម្តាយ ឬអាណាព្យាបាលកុមារដែលមានបញ្ហា ដូចជា ពិបាកនិយាយ (Speak delay) មិនចេះប្រើដៃ ឬជើង លេងច្រើនជ្រុល (Hyper active) និង អូធីសីម (Autistic) ជាដើម។
ការណាត់ជួបចែករំលែកចំណេះដឹង និងបទពិសោធន៍នេះ នឹងជួយឲ្យឪពុកម្តាយកុមារអាចយល់ច្បាស់ពីស្ថានភាពសុខភាព និងឱកាសនៃការរីកចម្រើនរបស់កូន ប្រសិនបើគេបានឆ្លងកាត់ការព្យាបាល និងបង្ហាត់បង្រៀនត្រឹមត្រូវពីគ្រូជំនាញ ដោយកម្មវិធីនេះនឹងបើកឲ្យមានការចូលរួមពីភ្ញៀវត្រឹមតែ ២៥នាក់ប៉ុណ្ណោះ ដោយត្រូវបង់ថ្លៃ ៨ដុល្លារសម្រាប់អាហារពេលព្រឹក។
ថ្នាក់បង្រៀនកុមារត្រូវការជំនួយពិសេសនេះ បានបើកតាំងពីខែមេសាមកម្ល៉េះ មកដល់ពេលនេះមានសិស្សរៀនចំនួន ៨នាក់រៀន ហើយពួកគេកំពុងមានការវិវឌ្ឍល្អប្រសើរគួរឲ្យកត់សម្គាល់ និងអាចចូលរៀនថ្នាក់ជាមួយកុមារធម្មតា និងលេងដូចកុមារធម្មតាបានថែមទៀតផង បន្ទាប់ពីពួកគេត្រូវបានបង្រៀនឲ្យចេះអង្គុយរៀនក្នុងថ្នាក់ជាមួយសិស្សដទៃមួយរយៈ។ នេះបើតាមការឲ្យដឹងពីអ្នកគ្រូ Maybelle G. Arca គ្រូបង្រៀនថ្នាក់ពិសេសនេះដោយផ្ទាល់។
ក្រៅពីនេះ សាលាមត្តេយ្យអន្តរជាតិ My Little Pumpking ក៏បានបោះជំហានថ្មីមួយទៀតដោយបានបើកឲ្យមានថ្នាក់បង្រៀនភាសាខ្មែរដល់កុមារថ្នាក់ធំ និងជំរុញឲ្យកុមារច្រៀងបទគោរពទង់ជាតិជារៀងរាល់ព្រឹក ជាទម្លាប់ប្រចាំថ្ងៃរបស់ពួកគេ។
«យើងយល់ច្បាស់ពីសារៈសំខាន់នៃភាសាខ្មែរសម្រាប់ក្មេងជំនាន់ក្រោយ ដូច្នេះយើងចង់ជួយឲ្យពួកគេស្រលាញ់ ចង់អាន និងនិយាយភាសាខ្មែរបានស្ទាត់តាំងពីវ័យក្មេង ដែលធ្វើឲ្យមានមោទនភាពជាជនជាតិខ្មែរ និងចេះស្រលាញ់ប្រទេសជាតិខ្លួន»។ នេះបើតាមលើកឡើងរបស់លោកស្រី Vanessa អគ្គនាយិកានៃ My Little Pumpkin ។
ពិសេស! សម្រាស់ការចុះឈ្មោះ ៣នាក់ដំបូង នឹងទទួលបានការបញ្ចុះតម្លៃភ្លាមៗ ដោយគ្រាន់តែ ប្រាប់សាលាថាអ្នកទទួលព័ត៌មាននេះពី SABAY៖
ព័ត៌មានបន្ថែម សូមទាក់ទង ទីតាំងសាលាផ្ទាល់ ផ្ទះលេខ ៦៥ ផ្លូវ៣១៣ កែងនឹង ផ្លូវ៥៦៦ សង្កាត់បឹងកក់១ ខណ្ឌទួលគោក រាជធានីភ្នំពេញ ឬ លេខទូរស័ព្ទ 087 288 988 ៕