Kylie ជាប់ឈ្មោះលើតារាងអ្នកមានលើលោក ជាមួយទឹកប្រាក់ច្រើនជាង Taylor ២ដង
- 2018-07-17 07:59:00
- ចំនួនមតិ 0 | ចំនួនចែករំលែក 0
Kylie ជាប់ឈ្មោះលើតារាងអ្នកមានលើលោក ជាមួយទឹកប្រាក់ច្រើនជាង Taylor ២ដង
ចន្លោះមិនឃើញ
កាលពីពេលថ្មីៗនេះ ទស្សនាវដ្ដី Forbes ទើបតែបញ្ចេញតារាងកំពូលតារាៗ ១០០ នាក់ ដែលរកចំណូលបានច្រើនជាងគេបំផុតលើពិភពលោក សម្រាប់ឆ្នាំ ២០១៨នេះ។
តាមតារាងនេះដែរ បង្ហាញឲ្យឃើញថា ស្ដេចប្រដាល់ Floyd Mayweather និងតារាសម្ដែង George Clooney ស្ថិតលើកំពូលតារាងតែម្ដង ជាមួយនឹងទឹកប្រាក់ចំនួន ២៨៥ លានដុល្លារ និង ២៣៩ លានដុល្លារ។
ក្នុងនោះដែរ សង្កេតឃើញថា តារាស្រីវ័យក្មេង Kylie Jenner ដែលជាម្ចាស់គ្រឿងសម្អាងម៉ាក Kylie បានឡើងមកចំណាត់ថ្នាក់លេខ ៣ ជាមួយនឹងទឹកប្រាក់ ១៦៦, ៥ លានដុល្លារ។ បើតាមទស្សនាវដ្ដី Forbes បានឲ្យដឹងថា ទ្រព្យសម្បត្តិសរុបរបស់តារាស្រីវ័យ ២១ឆ្នាំរូបនេះ គឺជិត ១ពាន់លានដុល្លារឯណោះ ដែលធ្វើឲ្យនាងអាចនឹងទម្លាក់ មហាសេដ្ឋីវ័យក្មេង Mark Zuckerberg នៅថ្ងៃខាងមុខ។
ជាមួយគ្នានេះដែរ សង្កេតឃើញថា តារាចម្រៀង Taylor Swift ស្ថិតក្នុងចំណាត់ថ្នាក់លេខ ២១ ក្នុងឆ្នាំនេះ ជាមួយនឹងប្រាក់ចំណូលចំនួន ៨០ លានដុល្លារ ដែលចំណូលនេះគឺត្រឹមតែជិតពាក់កណ្ដាលតារាទូរទស្សន៍ Kylie Jenner តែប៉ុណ្ណោះ។
សម្រាប់តារាផ្សេងទៀតដូចជា តារាចម្រៀង Katy Perry ស្ថិតក្នុងលេខ ១៩ ជាមួយនឹងទឹកប្រាក់ចំនួន ៨៣ លានដុល្លារ ខណៈតារាចម្រៀង Ed Sheeran ឡើងមកលេខរៀងទី ៩ ជាមួយនឹងទឹកប្រាក់ចំនួន ១១០ លានដុល្លារ៕