រឿងរ៉ាវចាប់អារម្មណ៍ទាំង១០ មនុស្សភាគច្រើនមិនធ្លាប់ដឹងពីប្រទេសក្រូអាត
- 2018-07-17 07:51:14
- ចំនួនមតិ 0 | ចំនួនចែករំលែក 0
រឿងរ៉ាវចាប់អារម្មណ៍ទាំង១០ មនុស្សភាគច្រើនមិនធ្លាប់ដឹងពីប្រទេសក្រូអាត
ចន្លោះមិនឃើញ
ក្រូអាតបានធ្វើឲ្យពិភពលោក មានការភ្ញាក់ផ្អើល បន្ទាប់ពីបានឡើងទៅដល់វគ្គផ្តាច់ព្រ័ត្រ ព្រឹត្តិការណ៍ FIFA World Cup 2018 ។ ជាងនេះទៅទៀត ក្រូអាតជាប្រទេសតូចបំផុតដែលបានឡើងដល់វគ្គនេះ បន្ទាប់ពីអ៊ុយរុយហ្គាយ កាលពីឆ្នាំ១៩៥០។ ខាងក្រោមនេះ ជារឿងគួរឲ្យចាប់អារម្មណ៍ ១០យ៉ាងរបស់ប្រទេសក្រូអាត៖
១- ក្រូអាត ទទួលបានឯករាជ្យនៅក្នុងឆ្នាំ១៩៩១ ក្រោយផ្តាច់ចេញយូហ្គោស្លាវី។ ក្នុងឆ្នាំ១៩៩២ ប្រទេសនានាបានទទួលស្គាល់ប្រទេសក្រូអាត។
២- ក្រូអាតមានផ្ទៃដីសរុប ៥៦៥៩៤ គីឡូម៉ែត្រការ៉េ និងមានប្រជាជនសរុបចំនួន ៤,១៧លាននាក់ (២០១៦)។ រដ្ឋធានីក្រូអាត គឺ Zagreb ។
៣- ក្រូអាត មានក្រុងដែលមានប្រជាជនរស់នៅតិចបំផុតនៅលើពិភពលោក គឺក្រុង Hum ដែលមានត្រឹមតែ ១៧ទៅ ២៣នាក់ប៉ុណ្ណោះ។
៤- ក្រូអាតមានឆ្នេរសមុទ្រដ៏ស្រស់ស្អាត ដែលគេហៅថាឆ្នេរ Dalmatian ហើយសត្វសុនខម្យ៉ាង ឈ្មោះ Dalmatian ត្រូវគេជឿថា មានប្រភពពីក្រូអាតផងដែរ។
៥- ក្រូអាត មានកោះចំនួន ១២៤៦ និងឧទ្យានធម្មជាតិ ១១, ឧទ្យានជាតិ ៨ និងតំបន់អភិរក្សធម្មជាតិ ២។
៦- តាក់ស៊ីម៉ែត្រ ការតាមរំខាននរណាម្នាក់ និងការបោះតង់ក្នុងព្រៃ ជារឿងខុសច្បាប់នៅក្រូអាត។
៧- យោងតាមអ្នកដឹកនាំខ្សែភាពយន្ត លោក Alfred Hitchcock ក្រុង Zadar នៅក្រូអាត ជាទីកន្លែងដែលមានថ្ងៃលិចស្អាតបំផុតនៅលើពិភពលោក។
៨- រូបិយបណ្ណរបស់ក្រូអាត គឺ Kuna ដែលគេដាក់ឈ្មោះតាមសត្វ Kuna ដែលរស់នៅក្នុងព្រៃ។ ក្នុងបុរាណកាល ស្បែករបស់វា ត្រូវបានគេប្រើប្រាស់ដើម្បីបង់ពន្ធ។
៩- ប្រជាជនក្រូអាតដែលមានការងារស្របច្បាប់ មានសិទ្ធិបោះឆ្នោតនៅអាយុ១៦ឆ្នាំ។ បើមិនទាន់មានការងារទេ ពួកគេត្រូវរង់ចាំរហូតដល់អាយុ១៨ឆ្នាំ។
១០- Luka ជាឈ្មោះដ៏ពេញនិយមដែលគេដាក់ឲ្យក្មេងប្រុស នៅក្រូអាត ហើយ Mia ជាឈ្មោះពេញនិយមសម្រាប់ក្មេងស្រី៕
ចុចអាន៖