អ្នកជំនួញតូចធំ និងតារាៗ នាំគ្នា Surprise ខួបកំណើតឲ្យគ្រូហុងស៊ុយល្បីឈ្មោះនៅកម្ពុជា
- 2018-07-17 10:10:05
- ចំនួនមតិ 0 | ចំនួនចែករំលែក 0
អ្នកជំនួញតូចធំ និងតារាៗ នាំគ្នា Surprise ខួបកំណើតឲ្យគ្រូហុងស៊ុយល្បីឈ្មោះនៅកម្ពុជា
ចន្លោះមិនឃើញ
នេះជាកម្មវិធីលើកដំបូងបំផុតនៅកម្ពុជាដែលអ្នកជំនួញតូចធំ និងអ្នកសិល្បៈ រួមគ្នារៀបចំកម្មវិធី Surprise ខួបកំណើតឡើងធំដល់គ្រូហុងស៊ុយដ៏ល្បីឈ្មោះម្នាក់នៅកម្ពុជា ជាលក្ខណៈឯកជន បន្ទាប់ពីមុខជំនួញ និងការងាររបស់ពួកគេ កាន់តែកាក់កប ក្រោយរៀបហុងស៊ុយរួច។
វត្តមានមនុស្សសរុបប្រមាណជា ២០០ នាក់ នៅភោជនីយដ្ឋានទន្លេបាសាក់២ ដែលភាគច្រើនជាអ្នករកស៊ីធំៗ តែមិនបញ្ចេញមុខ ព្រមទាំងអ្នកសិល្បៈ ដូចជា កញ្ញា Jimmy ពិធីករទូរទស្សន៍ PNN កញ្ញា ឌី សូនីតា លោក អេឡិច ហ្សូរ៉ា អ្នកនាង ម៉េង កែវពេជ្ជតា នោះ បានបង្កភាពផ្អើលពេញហាងទាំងមូល ដោយពួកគេនាំគ្នាស្លៀកពាក់ពណ៌ធាតុដី (ពណ៌លឿង) ចូលរួមកម្មវិធីជូនពរដល់អ្នកគ្រូ ឡុង ណាលី អគ្គនាយិកាស្ថាប័នហុងស៊ុយ ម៉ាស្ទ័រ ណាលី។
ក្រៅពីការជូនពរ កម្មវិធីដ៏ធំដែលម៉ៅដាច់សាលជាន់លើនៅភោជនីយដ្ឋាន ទន្លេបាសាក់ ២ នេះ ធ្វើឡើងដើម្បីជាការដឹងគុណដល់អ្នកគ្រូដែលបានរៀបហុងស៊ុយជួយឲ្យពួកគេរកស៊ីកាន់តែចំណេញ ខណៈដែលអ្នកខ្លះរកស៊ីត្រូវចំណេញចូលខ្ទង់វាល់លានដុល្លារឯណោះ។
អ្នកគ្រូ ណាលី បានថ្លែងក្នុងកម្មវិធីថា៖ "មនុស្សជោគជ័យ អាស្រ័យលើកត្តា ៣ យ៉ាង។ ទី១ សមត្ថភាព និងជំនាញផ្ទាល់ខ្លួន ទី២ ជោគជតារាសីមនុស្សដែលបញ្ជាក់ពីដំណើរជីវិត និងទី៣ ហុងស៊ុយ"។
ត្រង់នេះ មានន័យថា បើបុគ្គលផ្ទាល់ខ្លួនមិនប្រឹងប្រែងដោយខ្លួនឯង ទោះរៀបហុងស៊ុយក៏ដោយ ក៏មិនអាចជួយឲ្យជោគជ័យនោះឡើយ។ ការរៀបហុងស៊ុយ គឺដើម្បីជួយឲ្យមនុស្សម្នាក់នោះមានលាភហូរចូល ធ្វើកិច្ចការកាន់តែរលូនសមប្រកប។
ដោយឡែក កញ្ញា ឌី សូនីតា ដែលអ្នកគ្រូ ណាលី បានរៀបហុងស៊ុយឲ្យដែរនោះ មិនត្រឹមតែចូលរួមផ្ដួចផ្ដើមធ្វើកម្មវិធី Surprise កំណើតដល់អ្នកគ្រូប៉ុណ្ណោះនោះទេ ថែមទាំងបានផ្ដល់កាដូដល់ភ្ញៀវចូលរួមទាំងអស់សរុបជាទឹកប្រាក់ជាង ៧០០០ ដុល្លារឯណោះ៕