កុំព្យូទ័រគម្ពីរដាក់ឲ្យកម្ម៉ង់ទិញ ឃើញ Specs និងតម្លៃ ចង់ប្រើហ្មង!

2018-07-19 04:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កុំព្យូទ័រផលិតដោយកូនខ្មែរដំបូងគេ ម៉ាកគម្ពីរ(Koompi) ត្រូវបានបើកឲ្យមហាជនធ្វើការកម្ម៉ង់ទិញហើយ ជាមួយនិងរូបរាងដ៏ទាក់ទាញ មានសមត្ថភាពខ្លាំងថែមទាំងមានតម្លៃសមរម្យផងដែរ។

រូបភាព៖ koompi

តាមប្រភពព័ត៌មានពី SmallWorld បានឲ្យដឹងថាកុំព្យូទ័រ ៥០០ គ្រឿងដំបូងនឹងត្រូវដាក់លក់ក្នុងតម្លៃ **៣៦៩ ដុល្លារ។** ចំពោះការកម្ម៉ង់ទិញ SmallWorld នឹងមានការបញ្ចុះតម្លៃចំនួន ៣០ដុល្លារ ដែលអាចដកយកជាទឹកប្រាក់វិញ ឬផ្ដល់ដល់កម្មវិធីសប្បុរសធម៌ នៅតាមអង្គការដែល SmallWorld បានសហការ។ ចំណូលដែលបានពីការលក់កុំព្យូទ័រ SmallWorld នឹងដកចំនួន ៣ដុល្លារសម្រាប់ផ្ដល់ដល់អង្គការណាមួយដែលសាកសមនឹងទទួលយក។

ចំពោះ Software កុំព្យូទ័រគម្ពីរនេះជាប្រភេទ Open-source ដែលមានកម្មវិធីសម្រាប់សិស្សនិស្សិតអាចប្រើប្រាស់ជាច្រើនដូចជា៖ កម្មវិធី Office Applications, Software Center, Browser, Video Player កម្មវិធី Gimp ជាកម្មវិធីសម្រាប់ការរចនាក្រាហ្វិកដែលមានមុខងារស្រដៀងទៅនឹងកម្មវិធី Photoshop និងកម្មវិធី Visual Studio Code សម្រាប់ការសិក្សាផ្នែកសរសេរកូដជាដើម។

រូបភាព៖ channelnewsasia

លក្ខណៈសម្បត្តិ៖

ប្រើឈីប CPU ៖ Intel® N3450 1.10 GHz (4 Core) processor
អេក្រង់ទំហំ ១៣,៣ អ៊ីញ កម្រិត FullHD(1920x1080 ភិចសែល)
ទម្ងន់ ១,៤ គីឡូក្រាម - RAM (មេម៉ូរី )៖ ៨GB
ថាមពលថ្មទំហំ ៤៨០០ មីលីអំពប្រភេទ Li-ion Battery កម្លាំង ៧,៤ វ៉ុល អាចប្រើប្រាស់បានប្រមាណជា ៧ ម៉ោង
ទំហំផ្ទុកក្នុងម៉ាស៊ីន SSD ១២៨GB អាចគាំទ្រ SSD បន្ថែមខាងក្រៅបាន
ពណ៌ ២ គឺ៖ ពណ៌ប្រផេះ និងពណ៌ផ្កាឈូក (Rose gold)។

របៀបកម្ម៉ង់ទិញកុំព្យូទ័រគម្ពីរ

បើអ្នកចាប់អារម្មណ៍ចង់សាកល្បងប្រើប្រាស់កុំព្យូទ័រគម្ពីរ អាចបញ្ជាទិញតាមរយៈ Link ខាងក្រោមនេះបាន៖ koompi.com#order ៕