“Mamma Mia! Here We Go Again” ជាភាពយន្តធ្វើឲ្យអ្នកសប្បាយរីករាយ សើចបិទមាត់មិនជិត

2018-07-19 09:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្ត "Mamma Mia! Here We Go Again” គឺជាភាពយន្តនិយាយអំពីហេតុការណ៍ផ្សេងៗ ដែលបានកើតឡើងមុនពេលរឿងរ៉ាវផ្សេងៗបានកើតឡើងក្នុងភាពយន្តវគ្គដំបូង "Mamma Mia!” បញ្ចេញកាលពីឆ្នាំ ២០០៨។

ក្នុងវគ្គនេះ នឹងផ្ដោតសំខាន់ទៅលើតួអង្គ Donna កាលពីនៅក្មេង ថាតើហេតុអ្វីបានជានាងបានជួបបុរសគូស្នេហ៍ទាំង៣រូបរបស់នាង គឺ Sam, Bill និង Harry។ នៅក្នុងដំណើរផ្សងព្រេងរបស់ Donna កាលពីនៅក្មេងនោះ និងបង្ហាញពីសកម្មភាពផ្សេងៗ និងសេចក្ដីស្នេហា និងការខកចិត្តដែលនាងមានចំពោះបុរសទាំង៣រូប។

ភាពយន្តនេះលាយឡំទៅដោយ បទចម្រៀងជាច្រើនបទ និងការសម្ដែងប្លែកៗ ដែលធ្វើឲ្យអារម្មណ៍របស់អ្នកសប្បាយរីករាយដូចជាស្ថិតនៅក្នុងភាពយន្តអីចឹងឯង។ ចំពោះបទចម្រៀង ២បទនៅក្នុងសាច់រឿងនេះ ដែលល្បីបំផុតនោះគឺ "Mamma Mia!” និង "Dancing Queen”។

មិនត្រឹមតែប៉ុណ្ណោះភាពយន្តនេះចូលរួម សម្ដែងពីសំណាក់តារាសម្ដែងល្បីៗនិងស្រស់ស្អាតសង្ហា ដូចជា Meryl Streep, Amanda Seyfried និង Dominic Cooper ជាពិសេសគឺតារាចម្រៀងជើងចាស់ Cher ក៏មានវត្តមានក្នុងភាពយន្តនេះទៀតផង។

បើចង់ដឹងច្បាស់កុំភ្លេចទៅទស្សនាភាពយន្តនេះ ដែលនឹងចាប់ដាក់បញ្ចាំងចាប់ពីថ្ងៃទី ២០ខែកក្កដា ឆ្នាំ ២០១៨នេះហើយ។

ទស្សនាវីដេអូ Trailer ខាងក្រោម៖