អ្នកបោះឆ្នោតលើកដំបូង តិចច្រឡំប្រើប័ណ្ណព័ត៌មានអ្នកបោះឆ្នោតជំនួសអត្តសញ្ញាណប័ណ្ណអីទៅ

2018-07-20 02:51:19
ចំនួនមតិ 0 | ចំនួនចែករំលែក 0

ចន្លោះមិនឃើញ

គណៈកម្មាធិការជាតិរៀបចំការបោះឆ្នោតបានបោះពុម្ពប័ណ្ណព័ត៌មានអ្នកបោះឆ្នោតជាង៨លាន៣សែនសន្លឹកទៅតាមចំនួនអ្នកចុះឈ្មោះក្នុងបញ្ជីបោះឆ្នោត។

(ឯកសារសម្រាប់ការបោះឆ្នោត គឺអត្តសញ្ញាណប័ណ្ណសញ្ញជាតិខ្មែរ ឬឯកសារបញ្ជាក់អត្តសញ្ញាណ)

បើតាមគ.ជ.ប ប័ណ្ណព័ត៌មាននេះបានចែកជូនអ្នកបោះឆ្នោតចាប់ពីថ្ងៃទី៦ ខែមិថុនា ដល់ថ្ងៃទី៥ ខែកក្កដា ឆ្នាំ២០១៨ ដែលក្នុងរយៈពេលនេះគ.ជ.ប បានចែកប័ណ្ណនេះទៅដល់អ្នកបោះឆ្នោតបានជាង៩៤ភាគរយ។

ប្រជាពលរដ្ឋអ្នកធ្លាប់បានបោះឆ្នោតទំនងជាបានដឹងគ្រប់គ្នាហើយថាប័ណ្ណព័ត៌មានអ្នកបោះឆ្នោតនេះមិនអាចប្រើជំនួសអត្តសញ្ញាណប័ណ្ណសញ្ជាតិខ្មែរ ឬឯកសារបញ្ជាក់អត្តសញ្ញាណ សម្រាប់ការបោះឆ្នោតនោះទេ។

(ប័ណ្ណព័ត៌មានអ្នកបោះឆ្នោត មិនអាចប្រើជំនួសអត្តសញ្ញាណប័ណ្ណសញ្ជាតិខ្មែរ ឬឯកសារបញ្ជាក់អត្តសញ្ញាណបានទេ)

ប័ណ្ណព័ត៌មានអ្នកបោះឆ្នោត បើតាមគ.ជ.ប មានផ្ទុកនូវទិន្ន័យអ្នកបោះឆ្នោតមួយចំនួនដូចជាឈ្មោះ ថ្ងៃខែឆ្នាំកំណើត អាសយដ្ឋាន ទីតាំងបោះឆ្នោត លេខការិយាល័យ និងលេខរៀងក្នុងបញ្ជីឈ្មោះបោះឆ្នោតជាដើម។

គ.ជ.ប ចាត់ទុកថាប័ណ្ណនេះជួយសម្រួលដល់អ្នកបោះឆ្នោត ដើម្បីរកទីតាំងការិយាល័យបោះឆ្នោត និងលេខរៀងក្នុងបញ្ជីបោះឆ្នោតបានងាយស្រួល។ ប៉ុន្តែប័ណ្ណនេះមិនអាចប្រើជំនួសអត្តសញ្ញាណប័ណ្ណសញ្ជាតិខ្មែរ ឬឯកសារបញ្ជាក់អត្តសញ្ញាណបាននោះទេ៕

ចុចអាន៖