មិនធម្មតា! ព្រាប សុវត្ថិ និង ឧកញ៉ា វ័យក្មេងចូលហ៊ុនគ្នាធ្វើជំនួញ ៥លានដុល្លារ
- 2018-07-22 03:02:15
- ចំនួនមតិ 0 | ចំនួនចែករំលែក 0
មិនធម្មតា! ព្រាប សុវត្ថិ និង ឧកញ៉ា វ័យក្មេងចូលហ៊ុនគ្នាធ្វើជំនួញ ៥លានដុល្លារ
ចន្លោះមិនឃើញ
ជារឿងមួយគួរឲ្យភ្ញាក់ផ្អើលដែលកំពូលតារាចម្រៀង ព្រាប សុវត្ថិ បានប្រកាសចាប់ដៃគ្នាជាមួយ ឧកញ៉ាវ័យក្មេង ឡេង ណាវ៉ាតត្រា ចូលហ៊ុនគ្នារកស៊ីលើវិស័យអចលនទ្រព្យ។ ដោយដាក់ទុនរួមគ្នា ៥លានដុល្លារអាមេរិកលើទំហំដី ១៣ ហិកតារពុះឡូត៍លក់ នៅម្ដុំផ្សារព្រៃ ទទឹង ផ្លូវជាតិលេខ៣។
ថ្លែងក្នុងវេទិកាសន្និសីទកាសែត កាលពីម្សិលមិញនេះ ព្រាប សុវត្ថិ ថា នេះគឺជាលើកទី១ ហើយសម្រាប់រូបលោក និង ឧកញ៉ា ឡេង ណាវ៉ាត្រា ចាប់ដៃគ្នាធ្វើជំនួញលើវិស័យអចលនទ្រព្យ។ ការសម្រេចចិត្តចូលហ៊ុនគ្នាវិនិយោគជាមួយទឹកប្រាក់រាប់លានដុល្លារនេះលោក យល់ឃើញថា ឧកញ៉ា រូបនេះជាអ្នកជំនួញវ័យក្មេងម្នាក់បទពិសោធន៍ច្រើនក្នុងការរកស៊ី។
ក្រៅពីមានបទពិសោធន៍រកស៊ីលើវិស័យអចលនទ្រព្យ ឧកញ៉ា ឡេង ណាវ៉ាត្រា ក៏ចូលរួមយ៉ាងសកម្មជាមួយការសប្បុរសធម៌ បរិច្ចាគថវិការាប់ម៉ឺនដុល្លារជួយដល់មន្ទីរពេទ្យគន្ធបុប្ផា និងចាស់ជរា ព្រមទាំងប្រជាពលរដ្ឋមួយចំនួនដែលជួបបញ្ហាខ្វះខាតជាដើម។
លោកថា៖" សកម្មភាពរៀបរាប់ទាំងអស់នេះហើយ ដែលធ្វើឲ្យខ្ញុំសម្រេចចិត្តដាក់ទុនរកស៊ីជាមួយគាត់ដោយគ្មានរារែកក្នុងចិត្ត។ ខ្ញុំសូមជម្រាបត្រង់នេះបន្តិចខ្ញុំមកថ្ងៃនេះមិនមកយកភាគលាភចំណេញក្បាលកាក់អីទេ គឺពួកយើងទាំងពីរចូលហ៊ុនគ្នារកស៊ី ៥លានដុល្លារអាមេរិក។ ដូច្នេះសូមកុំយល់ច្រឡំ"។
ចំណែកឯ ឧកញ៉ា វ័យក្មេង ឡេង ណាវ៉ាត្រា វិញបានបង្ហាញអារម្មណ៍សប្បាយរីករាយយ៉ាងខ្លាំង ដោយលោកមិននឹកស្មានថា មានឱកាសបានចាប់ដៃគ្នារកស៊ី ជាមួយកំពូលតារាចម្រៀង ព្រាប សុវត្ថិ ជាIdol មួយរូបដែលលោក គោរពស្រឡាញ់តាំងពីឆ្នាំ ២០០២ មកម្ល៉េះ។
“មូលហេតុដែលខ្ញុំសម្រេចចិត្តចូលហ៊ុនជាមួយ បង ព្រាប សុវត្ថិ ដោយសារតែខ្ញុំជឿជាក់គាត់ ព្រោះគាត់អាចរក្សាកេរ្តិ៍ឈ្មោះរបស់គាត់ឲ្យនៅចំណុចកំពូលជាង ២០ឆ្នាំមកហើយ តាំងពីខ្ញុំនៅតូច។ អ៊ីចឹងចង់និយាយថា ខ្ញុំក៏ស្រឡាញ់កិត្តិយស ហើយបងគាត់ក៏ស្រឡាញ់ កិត្តិយស។ ដូច្នេះពួកយើងគ្មានអ្វីទៅបោកប្រាស់បងប្អូនទេ"។ ឧកញ៉ា វ័យក្មេងបញ្ជាក់៕