មានដឹងអត់? កាតATM ធនាគារ និងមីក្រូហិរញ្ញវត្ថុចំនួន៥ អាចដកនៅទូតែ១ទូទាំងប្រទេស
- 2018-07-27 01:00:00
- ចំនួនមតិ 0 | ចំនួនចែករំលែក 0
មានដឹងអត់? កាតATM ធនាគារ និងមីក្រូហិរញ្ញវត្ថុចំនួន៥ អាចដកនៅទូតែ១ទូទាំងប្រទេស
ចន្លោះមិនឃើញ
ធនាគារជាតិនៃកម្ពុជា បានដាក់ចេញគម្រោងបង្កើតប្រព័ន្ធ ATM តែមួយ ដោយតម្រូវឲ្យគ្រឹះស្ថានធនាគារ និងមីក្រូហិរញ្ញវត្ថុចូលជាសមាជិក ហៅថា ប្រព័ន្ធ Central Shared Switch (CSS)។
បច្ចុប្បន្ន គម្រោងនេះ មានធនាគារ និងមីក្រូហិរញ្ញវត្ថុចំនួន ៥ ចាប់ផ្ដើមធ្វើប្រតិបត្តិការកាលពីថ្មីនេះ ដូចជា ធនាគារ អេស៊ីលីដា ធនាគារស្ថាបនា ធនាគារប្រៃសណីយ៍ មីក្រូហិរញ្ញវត្ថុប្រាក់សាក់ និងមីក្រូហិរញ្ញវត្ថុអម្រឹត។
ប្រព័ន្ធថ្មីនេះ ធ្វើឡើងដើម្បីផ្ដល់ភាពងាយស្រួល រហ័ស ប្រសិទ្ធភាព សុវត្ថិភាព និងជឿទុកចិត្តបាន អ្វីដែលពិសេសនោះគឺ អ្នកមានកាត ATM អាចដកប្រាក់(រៀល និងដុល្លារ) តាមទូរម៉ាស៊ីន ATMទូទាំងប្រទេស និងប្រើម៉ាស៊ីនឆូតកាត (POS) របស់គ្រឹះស្ថានណាមួយនៅតាមបណ្ដាហាងទំនិញ សណ្ឋាគារ និងភោជនីយដ្ឋាននានា។
គួរបញ្ជាក់ថា តាមសេចក្ដីជូនដំណឹងរបស់ធនាគារ រាល់ប្រតិបត្តិការហិរញ្ញវត្ថុខាងលើ ត្រូវគិតថ្លៃសេវាពីអតិថិជនចំនួន ១ ៨០០រៀល នៃការប្រតិបត្តិការម្ដង។
យ៉ាងណាមិញ ធនាគារជាតិនៃកម្ពុជា នឹងបន្តប្រមែប្រមូលគ្រឹះស្ថានធនាគារ និងមីក្រូហិរញ្ញវត្ថុផ្សេងទៀត ចូលជាសមាជិកនៃប្រព័ន្ធ (CSS) បន្ថែមទៀត៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
