Mkhitaryan ញញឹមស្រស់ក្រោយចេញពីបិសាចក្រហម

2018-07-26 12:38:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើប្រយុទ្ធ Henrikh Mkhitaryan កំពុងសប្បាយចិត្តក្នុងការលេងឲ្យ Arsenal ដោយសារក្លឹបលេងបាល់"ទម្រង់ប្រយុទ្ធ"។

ប្រភព៖ Twitter ផ្លូវការ Mkhitaryan

Mkhitaryan បានប្រាប់អ្នកសារព័ត៌មាននៅសិង្ហបុរីថា៖ "Arsenal តែងតែលេងបាល់ទម្រង់ប្រយុទ្ធ។ នៅក្រោមការដឹកនាំរបស់ Jose Mourinho ក្លឹប Manchester United លេងបាល់ទម្រង់ផ្សេង។ ខ្ញុំនិយាយនេះ មិនមែនក្នុងន័យបន្ទោស ឬរិះគន់នរណានោះទេ។ ក្លឹបទាំងពីរគ្រាន់តែមានទស្សនវិជ្ជាក្នុងការលេងបាល់ខុសគ្នាតែប៉ុណ្ណោះ"។

ទោះជាយ៉ាងណា អតីតកីឡាករបិសាចក្រហមបានបន្ត៖ "ខ្ញុំអាចនិយាយបានថា ខ្ញុំសប្បាយចិត្តក្នុងការលេងឲ្យ Arsenal ជាជាងឲ្យ Manchester United”។

សូមបញ្ជាក់ផងដែរថា Mkhitaryan បានចូលរួមជាមួយ Manchester United ពី Borussia Dortmund កាលពីឆ្នាំ ២០១៦។ ទោះជាយ៉ាងណាលេងឲ្យបិសាចក្រហមបានតែមួយរដូវកាលកន្លះ កាលពីខែមករា ឆ្នាំនេះ កីឡាករបានចាកចេញទៅ Arsenal ក្នុងកិច្ចព្រមព្រៀងមួយដើម្បីបើកផ្លូវឲ្យខ្សែប្រយុទ្ធ Alexis Sanchez ផ្ទេរទៅក្លឹប Manchester United វិញ៕

ប្រភព៖ Four Four Two | Twitter ប្រែសម្រួល៖ ហ៊ីម រស្មី