តារាបូលីវូដ Priyank Chopra នឹងសម្ដែងជាមួយ Chris Pratt ក្នុងរឿង "Cowboy Ninja Viking”
- 2018-07-31 03:50:00
- ចំនួនមតិ 0 | ចំនួនចែករំលែក 0
តារាបូលីវូដ Priyank Chopra នឹងសម្ដែងជាមួយ Chris Pratt ក្នុងរឿង "Cowboy Ninja Viking”
ចន្លោះមិនឃើញ
តារាសម្ដែងប្រចាំបូលីវូដនិងឈានជើងប្រឡូកចូលក្នុងហូលីវូដ Priyanka Chopra កំពុងតែចរចាជាមួយក្រុមហ៊ុន Universal ដើម្បីចូលរួមសម្ដែងក្នុងរឿង "Cowboy Ninja Viking” ជាមួយតារាសម្ដែងកំពុងតែល្បីឈ្មោះ Chris Pratt។
តួអង្គនេះត្រូវគេចាត់ទុកថា ជាតួអង្គដែលមានការពេញនិយមច្រើនក្នុងការដណ្ដើមគ្នា Audition ដើម្បីសម្ដែង។ Priyanka ត្រូវបានគេជ្រើសរើសដោយសារ នាងមានការសម្ដែងល្អខ្លាំងជាមួយតារាសម្ដែង Chris Pratt។
ភាពយន្តនេះដកស្រង់ចេញពីសៀវភៅរឿងប្រលោមលោកពីលោក A.J. Lieberman និងអ្នកគូសរូបតាមកុំព្យូទ័រ (Illustrator) លោក Riley Rossmo។ លោក Dan Mazeau និង Ryan Engle ជាអ្នកកែសម្រួលខណៈដែល Craig Mazin ជាអ្នកសរសេរប៉ារ៉ូលជំហានដំបូង ជាមួយនឹងអ្នកសរសេរប៉ារ៉ូលរឿង "Deadpool” គឺ Paul Wernick និង Everett David Reese។
ភាពយន្តនេះនិយាយអំពីឃាតកម្នាក់ ដែលមានសមត្ថភាពពិសេសគឺ អាចប្រើប្រាស់ក្បាច់និងវិជ្ជាប្រយុទ្ធដល់ទៅ៣បែបគឺ ជាអ្នកចម្បាំងខោវប៊យ ជានិនចា និងជាអ្នកចម្បាំង Viking។
ភាពយន្តនេះនឹងចាប់ដាក់បញ្ចាំងនៅថ្ងៃទី ២៨ ខែមិថុនាឆ្នាំ ២០១៩ នៅសហរដ្ឋអាមេរិក៕