ស្លេះ ស៊េន ត្រូវសម្រាកពី៦ទៅ៨សប្ដាហ៍ ក្រោយជួបគ្រោះថ្នាក់ចរាចរណ៍
- 2018-07-31 04:48:59
- ចំនួនមតិ 0 | ចំនួនចែករំលែក 0
ស្លេះ ស៊េន ត្រូវសម្រាកពី៦ទៅ៨សប្ដាហ៍ ក្រោយជួបគ្រោះថ្នាក់ចរាចរណ៍
ចន្លោះមិនឃើញ
បើយោងតាមការបញ្ជាក់របស់ក្លឹបបឹងកេត កីឡាករ ស្លេះ សែន នឹងត្រូវសម្រាកយ៉ាងហោចណាស់ពី៦ទៅ៨សប្ដាហ៍ ក្រោយពីរូបគេជួបគ្រោះថ្នាក់ចរាចរណ៍។
ខ្សែការពារស្លាបរូបនេះបានទទួលរងគ្រោះថ្នាក់ចរាចរណ៍កាលពីព្រលប់ថ្ងៃអាទិត្យកន្លងទៅនៅឯស្រុកកំណើតម្ដុំសាលាលេខ៥ ដែលបណ្ដាលឲ្យរងរបួសបែកក្បាលហើយបច្ចុប្បន្នកំពុងសម្រាកព្យាបាលនៅឯស្រុកកំណើត។ វត្តមានរបស់កីឡាករវ័យក្មេងម្នាក់នេះ អាចនឹងបង្កផលប៉ះពាល់ខ្លះដែរសម្រាប់ក្រុមទាំងពានរង្វាន់លីគ និង Hun Sen Cup ។ ស្របពេលដែលក្លឹបនេះ បច្ចុប្បន្ន គ្រូបង្វឹកលោក ហៅ សុជាតិ ក៏ជាប់បម្រាម១ខែផងដែរ ពីខាងសហព័ន្ធ។
បឹងកេត នឹងត្រូវតតាំងជាមួយក្រុមណាហ្គាវើល នៅថ្ងៃស្អែកនេះ នាកីឡដ្ឋានស្ដាតចាស់ វេលាម៉ោង៣:៣០នាទីរសៀល ពានរង្វាន់ Hun Sen Cup វគ្គ៨ក្រុមចុងក្រោយ។ ដោយឡែកនៅលីគកំពូលកម្ពុជាវិញ បឹងកេតឈរនៅកំពូលតារាងដដែល បើទោះជាចាញ់ក្រុមក្រសួងការពារជាតិកាលពីប្រកួតមុននេះក៏ដោយ៕