ចាញ់ណាហ្គា ២-០ បឹងកេតគិតថា ជើងទី២ពិបាកណាស់ទោះមាន វឌ្ឍនាកា

2018-08-02 03:05:03
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ហៅ សុជាតិ គ្រូបង្វឹករបស់បឹងកេតនៅតែមិនមានសង្ឃឹមខ្ពស់ក្នុងការស្រង់ដើម បើទោះមាន ចាន់ វឌ្ឍនាកា សម្រាប់ជើងទី២ Hun Sen Cup 2018 មកជួយក្រុមវិញ ក្រោយចាញ់ណាហ្គាវើលម្សិលមិញ ២-០ នៅស្តាតចាស់។

លោក ហៅ សុជាតិ

កាលពីម្សិលមិញនេះបឹងកេតត្រូវបានគេមើលឃើញថា មិនមានតារាឆ្នើម ចាន់ វឌ្ឍនាកា និងខ្សែការពារស៊ុន សុវណ្ណរិទ្ធី ចូលលេងទេ។ ទាន់ទងចំណុចនេះលោក ហៅ សុជាតិ បានបញ្ជាក់ថា ពួកគេមានបញ្ហាសុខភាព ទើបមិនអាចជួយក្រុមបាន។

លោកបន្ថែមថា ទោះជាយ៉ាងណាការប៉ះគ្នានៅជើងទី២ លោកមិនមានសង្ឃឹមអាចយកឈ្នះណាហ្គាវើលច្រើនគ្រាប់វិញឡើយ បើទោះមានអ្នកទាំងពីរខាងលើក៏ដោយ ពីព្រោះណាហ្គាវើលខ្លាំង ។ ម្យ៉ាងទៀត បឹងកេត មិនសម្បូរកីឡាករកម្ពុជាល្អច្រើន ដូចណាហ្គាវើលទេ ពោលគឺក្លឹបប្រើកីឡាករយុវជនភាគច្រើន ក្នុងការប្រកួត Hun Sen Cup។

សម្រាប់ជើងទី២រវាងក្រុមទាំងពីរ នឹងធ្វើឡើងនៅទីលានស្តាតចាស់ដដែល នៅថ្ងៃទី៨ ខែសីហា ឆ្នាំ២០១៨ ដែលកំណត់ជាទឹកដីរបស់បឹងកេតវិញម្ដង៕