ប្ដូរទីតាំងថ្មី វិទ្យាស្ថាន IT ស្តង់ដារអន្តរជាតិនេះ ទំហំក៏ធំ ល្បឿនអ៊ីនធឺណិតក៏កប់ទៀត

2018-08-02 08:41:23
ចំនួនមតិ 0 | ចំនួនចែករំលែក 0

ចន្លោះមិនឃើញ

IT Academy STEP គឺជាវិទ្យាស្ថានបណ្ដុះបណ្ដាលជំនាញព័ត៌មានវិទ្យាលំដាប់អន្តរជាតិ ដែលមានវត្តមានក្នុង ១៧ ប្រទេសផ្សេងគ្នាទូទាំងពិភពលោក។ វិទ្យាស្ថាននេះបានបង្ហាញខ្លួននៅកម្ពុជាអស់រយៈ ពេល៣ឆ្នាំហើយ ដោយទទួលបានការគាំទ្រពីសំណាក់និស្សិតកម្ពុជា។

ដោយសារចំនួននិស្សិតកើនឡើងជាបន្តបន្ទាប់ វិទ្យាស្ថានបានផ្លាស់ប្ដូរទៅទីតាំងថ្មីនៅក្នុងផ្សារទំនើប Pencil ដែលមានលក្ខណៈធំទូលាយជាងមុន បំពាក់បរិក្ខារកាន់តែទំនើប ពិសេសមានការផ្គត់ផ្គង់អ៊ីនធឺណិតល្បឿនលឿនទាំងស្រុងពីក្រុមហ៊ុនEZECOM។

លោកស្រី Rodionova Nataly

លោកស្រី Rodionova Nataly ប្រធានគ្រប់គ្រងវិទ្យាស្ថាន IT Academy STEP ប្រចាំប្រទេសកម្ពុជា បាននិយាយថា ទីតាំងថ្មីនេះមានទីធ្លាគ្រប់គ្រាន់ ដែលអាចឲ្យសាស្ត្រាចារ្យបង្រៀនសិស្សរហូតដល់ ២៨០នាក់ ក្នុងពេលដំណាលគ្នា។ ជាមួយនឹងការអភិវឌ្ឍន៍ឈានឡើងនេះ លោកស្រីសង្ឃឹមថា IT Academy STEP នឹងក្លាយទៅជាមជ្ឈមណ្ឌលបណ្ដុះបណ្ដាលជំនាញព័ត៌មានវិទ្យាដ៏ធំជាងគេមួយនៅកម្ពុជា។

ក្នុងរយៈពេលជាង ៣ ឆ្នាំមកនេះ វិទ្យាស្ថានបានបណ្តុះបណ្តាលនិស្សិតប្រមាណជាង ៤០០នាក់ រួចមកហើយ ដោយភាគច្រើនចាប់យកមុខជំនាញបង្កើត Software Development និងរចនាក្រាហ្វិកកុំព្យូរទ័រ។ IT Academy STEP ប្រើប្រាស់កម្មវិធីសិក្សាបែបអន្តរជាតិ ដែលតម្រូវឲ្យនិស្សិតធ្វើការស្រាវជ្រាវ និងប្រើប្រាស់កម្មវិធីលើអ៊ីនធឺណិតជាច្រើនក្នុងការសិក្សា បន្ថែមលើការអនុវត្តក្នុងថ្នាក់រៀន។

វិញ្ញាបនបត្រដែលចេញដោយវិទ្យាស្ថាននេះ មានលក្ខណៈទទួលស្គាល់ជាអន្តរជាតិ ព្រោះបំពេញតាមស្តង់ដារបណ្តុះបណ្តាលរបស់ក្រុមហ៊ុនបច្ចេកវិទ្យាធំៗ ដូចជា Microsoft, Cisco និង Autodesk។

ជាមួយការសម្ពោធទីតាំងថ្មី ក្រុមហ៊ុន EZECOM ដែលជាដៃគូមានការអបអរសាទរជាខ្លាំង ដោយជឿជាក់ថា វិទ្យាស្ថាន IT Academy STEP នឹងក្លាយជាចំណែកយ៉ាងសំខាន់ក្នុងការបណ្ដុះបណ្តាលធនធានមនុស្សក្នុងវិស័យបច្ចេកវិទ្យាដែលជាមុខជំនាញប្រកបដោយសក្ដានុពល ក្នុងយុគសម័យអ៊ីនធឺណិត និងប្រព័ន្ធឌីជីថល៕