នុះ! Ronaldo បាន Unfollow បណ្ដាញសង្គម IG របស់ក្លឹប Real Madrid បាត់
- 2018-08-04 03:38:35
- ចំនួនមតិ 0 | ចំនួនចែករំលែក 0
នុះ! Ronaldo បាន Unfollow បណ្ដាញសង្គម IG របស់ក្លឹប Real Madrid បាត់
ចន្លោះមិនឃើញ
ជារឿងដ៏ភ្ញាក់ផ្អើល ពេលនេះខ្សែប្រយុទ្ធ Cristiano Ronaldoបានចុច Unfollow បណ្ដាញសង្គម Instagram របស់ក្លឹប Real Madridហើយ ក្រោយផ្លាស់ទៅ Juventus។
មូលហេតុនៃការ Unfollow មិនមានការបញ្ជាក់ហេតុផលណាស់លាស់ណាមួយទេ ខណៈព័ត៌មានខ្លះថា Ronaldo លែងចង់ដឹងរឿងរបស់ក្លឹបចាស់ទៀត។ យ៉ាងនេះក្ដី កីឡាករដែលជាអ្នកបញ្ចូលទីច្រើនជាងគេក្នុងប្រវត្តិសាស្ត្រ Real Madrid នៅតែបន្ត Follow មិត្តរួមក្រុមចាស់ៗនៅ Madrid ក៏ដូចជាលោក Zinedine Zidane ។
ជារឿងចាប់អារម្មណ៍ផ្សេងទៀត Ronaldo បានចាប់ផ្ដើម Follow មិត្តថ្មីៗក្នុងក្លឹប Juventus ដូចជា Mario Mandzukic, Giorgio Chiellini, Miralem Pjanic និងគ្រូបង្វឹក Massimiliano Allegri ជាដើម។ សារព័ត៌មាន The Sun បញ្ជាក់ថា អតីតកីឡាករ Man Utd រូបនេះកំពុងព្យាយាមកាត់ទំនាក់ទាក់ទងនៅប្រទេសអេស្ប៉ាញ។
គេក៏កំពុងព្យាយាមលក់ផ្ទះដែលមានទីតាំងនៅប្រទេសអេស្ប៉ាញនិងពិចារណាឈប់ធ្វើគម្រោងសណ្ឋាគារថ្មីឈ្មោះ Hotel Pestana CR7 ដែលនៅកណ្ដាលទីក្រុង Madrid។ Ronaldo បានផ្ទេរទៅ Juventus ក្នុងតម្លៃ១០០លានអឺរ៉ូ ទទួលបានកុងត្រា៤ឆ្នាំ៕