ស្ទើរមិនជឿ លី ភា ការពារខ្សែក្រវាត់ថៃថ្ងៃមុន បានតម្លៃខ្លួន...

2018-08-06 06:52:14
ចំនួនមតិ 0 | ចំនួនចែករំលែក 0

ចន្លោះមិនឃើញ

លី ភា ការពារខ្សែក្រវាត់ថ្ងៃមុន បានលុយមិនសូវជាច្រើននោះទេ បើគិតទៅជាង២ម៉ឺនបាតប៉ុណ្ណោះ ប៉ុន្តែអាចនឹងមានឱកាសឈានទៅរកកម្មវិធីធំៗ ផ្សេងទៀតដូចជាប្រទេសចិនអីជាដើម។

កីឡាករ លី ភា

អ្នកលេងគុនខ្មែរ លី ភា បានឲ្យដឹងម្សិលមិញនេះថា មូលហេតុខ្លួនមិនសូវជាល្បីនៅកម្ពុជា ព្រោះទើបតែប្រឡូកបានមួយរយៈពេលខ្លីនោះទេ ដូច្នេះគេមិនសូវស្គាល់ និងឮឈ្មោះឡើយ។ ប៉ុន្តែនៅឯប្រទេសថៃវិញ គឺមានអ្នកគាំទ្រច្រើន ទាំងបរទេសនិងថៃជាដើមផងដែរ។ កត្តាដែលនៅប្រទេសថៃល្បីជាងកម្ពុជា ដោយសារចូលប្រដាល់នៅទីនោះយូរដែរហើយ ណាមួយឈ្នះខ្សែក្រវាត់បានច្រើនគ្រឿងទៀតផង។

លី ភា ឈ្នះម្សិលមិញ

រំលឹកដល់រឿងប្រកួតនៅប្រទេសថៃនោះដែរ អ្នកប្រដាល់និយាយរដឺនរូបនេះ ប្រាប់ទៀតថា លុយដែលតម្លៃខ្លួនដែលទទួលបានសរុបគឺ ៣ម៉ឺន បាត ប៉ុន្តែខាងថៃគេដកភាគរយខ្លះ ដូច្នេះនៅសល់២៣០០០ បាត បើគិតទៅប្រហែលជាង ៦០០ដុល្លារ។

រូបភាពហ្វេសបុក

លី ភា ជាអ្នកប្រដាល់មកពីខេត្តបាត់ដំបង ម្សិលមិញនេះយកឈ្នះដៃគូជនជាតិ អ៊ឺរ៉ង់ នៅទឹកទី១ នាជំនួបមិត្តភាពអន្តរជាតិនៅសង្វៀន CNC។ បច្ចុប្បន្ននេះអ្នកលេងគុនខ្មែររូបនេះកំពុងធ្វើការងារ និងប្រកួតតាមកម្មវិធីនានារបស់ថៃ នៅពេលកម្ពុជាមានការណាមួយទើបឡើងមកប្រកួត រួចវិលទៅវិញ។ អ្នកប្រដាល់ខាងលើនេះការពារខ្សែក្រវាត់លើកចុងក្រោយរបស់ខ្លួន ឈ្នះជនជាតិប្រេស៊ីលកាលពីថ្ងៃទី២៦ ខែកក្កដា ២០១៨ នៅប្រទេសថៃ៕

អត្ថបទ៖ នួន ស៊ីណា