ក្រោន បញ្ចប់កុងត្រាកីឡាករបរទេសម្នាក់ហើយ
- 2018-08-06 06:35:09
- ចំនួនមតិ 0 | ចំនួនចែករំលែក 0
ក្រោន បញ្ចប់កុងត្រាកីឡាករបរទេសម្នាក់ហើយ
ចន្លោះមិនឃើញ
ក្លឹបបាល់ទាត់ភ្នំពេញក្រោន បានបញ្ចប់កិច្ចសន្យាកីឡាករ Pouya Hosseini ហើយ បន្ទាប់ពីចំណាយពេលវេលាជាមួយគ្នាជិត១រដូវកាលមកនេះ។
មូលហេតុនៃការបញ្ចប់កិច្ចសន្យា ក្លឹបភ្នំពេញក្រោនសូមរក្សាសិទ្ធិមិនបញ្ជាក់ឡើយ។ យ៉ាងណាមិញ គេអាចដឹងបានថាកីឡាករអ៊ីរ៉ង់រូបនេះត្រូវក្លឹបបញ្ចប់កុងត្រា ដោយសារតែមិនអាចជួយក្រុមបានច្រើន ខណៈដែលខ្លួនមានតំណែងប្រយុទ្ធ ប៉ុន្តែត្រូវគ្រូបង្វឹកផ្លាស់ទៅលេងនៅតំណែងផ្សេងវិញ។
ក្រោន បាននាំយកខ្សែប្រយុទ្ធវ័យ២៩ឆ្នាំរូបនេះមករួមរស់ជាមួយក្រុមនៅដើមរដូវកាលមុន។ រូបគេជាកីឡាករមានបទពិសោធច្រើននៅលីគប្រទេសថៃ ដោយធ្លាប់លេងនៅក្លឹបUdon Thani FC ក្នុងឆ្នាំ២០១៣ បន្ទាប់មកបានចូលរួមជាមួយក្លឹប Muangthong United ពីឆ្នាំ២០១៤-២០១៥ មុននឹងលេងឲ្យក្លឹប Nongbua Pitchaya FC ក្នុងឆ្នាំ២០១៦ ។ បើតាម ភ្នំពេញក្រោន បានបញ្ជាក់ថា Pouya រកគ្រាប់បាល់បាន២គ្រាប់ដែរ អំឡុងពេលប៉ុន្មានប្រកួតមកនេះ៕