លន បញ្ញា ទម្រាំឡើងជុំទី២ ចង់ទក់សាច់របស់ដៃគូកាលពីថ្ងៃសៅរ៍
- 2018-08-07 07:10:36
- ចំនួនមតិ 0 | ចំនួនចែករំលែក 0
លន បញ្ញា ទម្រាំឡើងជុំទី២ ចង់ទក់សាច់របស់ដៃគូកាលពីថ្ងៃសៅរ៍
ចន្លោះមិនឃើញ
អ្នកប្រដាល់វ័យក្មេង លន បញ្ញា ហាក់ពិបាកខ្លាំងកាលពីថ្ងៃសៅរ៍ ទី៤ សីហា ២០១៨ ព្រោះប៉ះដៃគូល្អ ទម្រាំអាចឈ្នះទៅជុំទី២ ទក់សាច់មិនស្ទើរឡើយនៃវគ្គជម្រុះសប្ដាហ៍ចុងក្រោយពានរង្វាន់ TV5 ទម្ងន់ ៦០គីឡូក្រាម។
លន បញ្ញា បានឲ្យដឹងថា ការប្រកួតកាលពីថ្ងៃសៅរ៍សប្ដាហ៍មុននេះពិបាកវ៉ៃបន្តិច ដោយសារដៃគូវ៉ៃរញ៉េរញ៉ៃ ហើយនិយាយពីក្បាច់វិញ នួន រ៉ាថេប មិនសូវជាល្អនោះឡើយ។ ប៉ុន្តែចំណុចល្អមួយគឺកម្លាំងដូច្នេះធ្វើឲ្យអ្នកប្រដាល់រូបនេះអាចវ៉ៃចេញរហូត។ ដោយសារភាពឆ្លាតវៃ បញ្ញា មិនសូវវ៉ៃប៉ុន្មានឡើយ ពោលនៅចាំពេលដៃគូអស់កម្លាំង ទើបចូលចាប់វ៉ៃជង្គង់តែម្ដង។
អ្នកប្រដាល់មកពីខេត្តព្រៃវែងខាងលើបន្តថា ភ័យខ្លះៗដែរ ខ្លាចធ្លាក់ត្រឹមជុំទី១ខ្មាសគេ ដោយសារតែខ្លួនជាម្ចាស់ជើងឯករងពានរង្វាន់នេះម្ដងហើយនៅរដូវកាលមុន ដូច្នេះមិនចង់ធ្លាក់ត្រឹមជុំបើកឆាកឡើយ។ កូនសិស្សលោកគ្រូ ធន់ សុភា ម្នាក់នេះបន្ថែមថា មកលេងទម្ងន់៦០គីឡូក្រាមនេះ ប្រហែលជាពិបាកបន្តិចហើយ ព្រោះអីមានកីឡាករល្អៗ និងចាស់វស្សាច្រើន ប៉ុន្តែនឹងខំប្រឹងប្រែងហ្វឹកហាត់ដើម្បីធ្វើឲ្យបានល្អប្រកួតក្រោយទៀត។
លន បញ្ញា ជាកូនសិស្សលោកគ្រូ ធន់ សុភា មកពីសមាគមប្រដាល់ក្រសួងការពារជាតិ និងជាជើងឯករងនៅពានរង្វាន់ TV5 ទម្ងន់ ៥៧គីឡូក្រាមរដូវកាលមុនផងដែរ។ ឥលូវបានឡើងទៅជុំទី២បន្តទៀតហើយ ក្រោយយកឈ្នះ នួន រ៉ាថេប ដោយពិន្ទុ កាលពីថ្ងៃសៅរ៍ លើប្រភេទទម្ងន់ ៦០គីឡូក្រាម ជាថ្មីទៀត៕
វីដេអូប្រកួត៖