វិធីខ្លះៗដែលជួយ Apple ក្លាយជាក្រុមហ៊ុនតម្លៃ ១ ទ្រីលានដុល្លារ

2018-08-08 02:52:47
ចំនួនមតិ 0 | ចំនួនចែករំលែក 0

ចន្លោះមិនឃើញ

Josh Constine នៃវិបសាយបច្ចេកវិទ្យា Tech Crunch បានលើកយកចំណុចតូចៗមួយចំនួនដែលចូលរួមចំណែក ជួយឲ្យ Apple ក្លាយជាក្រុមហ៊ុនតម្លៃ ១ ទ្រីលានដុល្លារមុនដំបូងគេក្នុងលោក និងអាចរកប្រាក់ចំណេញបានដល់ ១១ ពាន់លានដុល្លារនៅត្រីមាសទី ២ ឆ្នាំ ២០១៨ នេះ។

១. ខ្សែសាកឆាប់ដាច់

មិនថាខ្សែសាក iPhone ឬ MacBook ទេ សុទ្ធតែងាយដាច់រលាត់បំផុត ប្រសិនបើប្រៀបធៀបនឹងខ្សែសាករបស់ក្រុមហ៊ុនដទៃ។ អ្នកប្រើប្រាស់បានរិះរកវិធីគ្រប់បែបយ៉ាងដើម្បីធ្វើឲ្យខ្សែនេះប្រើបានយូរ ដោយមិនចង់ចំណាយលុយទិញខ្សែថ្មី ប៉ុន្តែ Apple ឯណោះវិញមិនខ្ចីរកវិធីកែប្រែចន្លោះប្រហោងនេះទេ។

២. ចង់ឈប់ប្រើសេវាកម្ម Apple ងាយស្រួលប៉ុន្តែពិបាក ចង់បញ្ឈប់ការប្រើសេវាកម្ម Apple Music ដែល Apple ឲ្យប្រើប្រាស់ឥតគិតថ្លៃរយៈពេល ៣ ខែដំបូង មិនមែនធម្មតាដូចបញ្ឈប់ការប្រើសេវាកម្មផ្សេងៗទៀតនោះទេ។ អ្នកប្រហែលជាគិតថាត្រូវចុចលើរូប Avatar នៃគណនីរួចស្វែងរកទីតាំងណាមួយមានឈ្មោះថា "Manage Subscription” ប៉ុន្តែតាមពិតមិនមែនដូចនេះទេ។

ផ្ទុយទៅវិញអ្នកត្រូវចុចលើ View Appl ID រួចចុច Sign In ម្ដងទៀត និង ចុចបញ្ឈប់ការប្រើសេវាកម្ម។ ស្ដាប់ទៅរាងងាយស្រួលបន្តិច ប៉ុន្តែវាអាចធ្វើឲ្យអ្នកប្រើមួយចំនួនភាន់ច្រឡំបាន។

៣. ឌុយតច្រើនមហាសាល

កាន់តែយូរៗទៅ Apple បានបំបាត់រន្ធតភ្ជាប់សំខាន់ៗលើឧបករណ៍ស៊េរីថ្មីរបស់ខ្លួន ដូចជាដករន្ធកាស 3.5 mm ពី iPhone និងដករន្ធ USB ធម្មតាចេញពី MacBook ជាដើម ឬ បន្ថយចំនួនរន្ធតភ្ជាប់។ កត្តាទាំងនេះត្រូវបង្ខំឲ្យអ្នកប្រើប្រាស់មួយចំនួនទិញឌុយតបន្ថែម ដោយមានតែនៅក្រុមហ៊ុន Apple ប៉ុណ្ណោះ៕

ប្រភព៖ Techcrunch ប្រែសម្រួល៖ សុខហេង