កសិករថៃដាំទុរេនម៉ាន់ថង បានផ្លែមួយទម្ងន់១៨គីឡូ មានគេឲ្យថ្លៃខ្ទង់ពាន់ដុល្លារ
- 2018-08-08 07:29:47
- ចំនួនមតិ 0 | ចំនួនចែករំលែក 0
កសិករថៃដាំទុរេនម៉ាន់ថង បានផ្លែមួយទម្ងន់១៨គីឡូ មានគេឲ្យថ្លៃខ្ទង់ពាន់ដុល្លារ
ចន្លោះមិនឃើញ
កសិករជនជាតិថៃម្នាក់នៅខេត្ត Tak បាននិយាយថា ទុរេនពូជម៉ាន់ថង (Monthong) មួយផ្លែទម្ងន់ ១៨គីឡូក្រាមរបស់ខ្លួន កំពុងទទួលការដេញថ្លៃបានរហូតដល់ ៧៣ ០០០បាត ឬស្មើនឹង ២ ២០០ដុល្លារហើយ។ ការលក់ដេញថ្លៃនេះនឹងបញ្ចប់នៅថ្ងៃអាទិត្យ ទី១២ ខែសីហា ឆ្នាំ២០១៨ ខាងមុខនេះ។
លោក Thanapon Chainok អាយុ៥១ឆ្នាំ បាននិយាយថា ដើមទុរេនពូជម៉ាន់ថនមួយដើម ក្នុងចំណោម ២ពាន់ដើមរបស់លោក បានឲ្យផ្លែដ៏ធំមួយ ដែលមានទម្ងន់ ១៨គីឡូក្រាម។ បើប្រៀបធៀបជាមួយផ្លែធម្មតា មានទម្ងន់ជាមធ្យមត្រឹមតែ ៥ ទៅ ៦គីឡូក្រាមប៉ុណ្ណោះ។
ទោះបីជាយ៉ាងណា ម្ចាស់ចម្ការទុរេនចិត្តល្អរូបនេះ បាននិយាយថា លោកគ្រោងនឹងបរិច្ចាគលុយដែលលក់បាន ទៅកាន់មជ្ឈមណ្ឌលសិក្សាមួយ សម្រាប់កសិករក្នុងស្រុក នៅតំបន់ដែលលោករស់នៅ។
យ៉ាងណាមិញ មុខជំនួញរបស់លោក Thanapon មានដំណើរការយ៉ាងរលូន ខណៈលោកអួតថា រកប្រាក់បាន ៤លានបាត ឬស្មើនឹង ១៣២ ០០០ដុល្លារពីការលក់ទុរេនក្នុងឆ្នាំនេះ៕
ចុចអាន៖