កុំស្មាន! បុគ្គលិក Apple ចំណូលខ្ទង់សែនដុល្លារមែន ប៉ុន្តែមិនអាចចូលចុះតំបន់ Bay Area ឡើយ!

2018-08-08 12:09:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាបុគ្គលិកបម្រើការឲ្យក្រុមហ៊ុនយក្សក្នុងតំបន់ Silicon Valley មានដូចជា Apple, Google, Facebook ឬ Intel សុទ្ធសឹងអាចទទួលប្រាក់ឈ្នួលស្ថិតក្នុងតួលេខខ្ពស់ធៀបនឹងបណ្តាក្រុមហ៊ុនដទៃ។ ប៉ុន្តែតាមការចុះស្រាវជ្រាវភាគច្រើននៃបុគ្គលិកក្រុមហ៊ុនរបស់លោក Tim Cook ពុំមានថវិកាគ្រប់គ្រាន់ក្នុងការផ្គត់ផ្គង់ថ្លៃទិញគេហដ្ឋានរស់នៅក្នុងតំបន់ San Francisco Bay Area នោះឡើយ។

ផ្អែកតាមលទ្ធផលចុះផ្សាយលើគេហទំព័រ SiliconValley.com ទិន្នន័យសម្រង់ចេញពីការឆ្លើយតបរបស់បុគ្គលប្រមាណ ២ ៣០០ នាក់ ដោយក្នុងនោះមានប្រមាណ ៦៣ ភាគរយនៃបុគ្គលិករបស់ Apple ប្រាប់ថាមិនមានលទ្ធភាពទិញផ្ទះក្នុងតំបន់ Bay Area ឡើយ ពោលមកពីកត្តាតម្លៃផ្ទះនៅទីនោះខ្ពស់ជ្រុល ថ្វីបើចំណូលក្នុងមួយឆ្នាំរបស់ពួកគេរកបានខ្ទង់សែនដុល្លារក្តី។

ប្រភពពី Zillow ឲ្យដឹងថា តម្លៃផ្ទះនៅតំបន់ San Francisco, Marin និង Almeda ជាមធ្យមថ្លៃក្បែរ ៩៤៧ ០០០ ដុល្លារ ខណៈនៅ San Francisco ខ្ពស់បំផុតមានដល់ ១,៣៦ លានដុល្លារ។ ស្របពេលប្រាក់ចំណូលរបស់បុគ្គលិក Apple ផ្អែកតាមការឲ្យដឹងពី Indeed ក្នុងមួយឆ្នាំសម្រាប់តំណែងអ្នកគ្រប់គ្រងវិស្វកម្ម Software បាន ១៨៦ ០៤៩ ដុល្លារ ផ្នែកវិស្វកម្ម Software ជាន់ខ្ពស់បាន ១៦៤ ០៤៦ ដុល្លារ ធៀបនឹងវិស្វកម្ម Hardware បាន ១៤៩ ១០៩ ដុល្លារ៕