ឈប់បានឈប់ទៅ! ការប្រើទូរសព្ទពេលបើកបរ គ្រោះថ្នាក់ខ្លាំង

2018-08-10 08:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សកម្មភាពអ្នកបើកបរមានគ្រប់បែបយ៉ាងលើដងផ្លូវ តាមវិធីរៀងខ្លួន ដើម្បីបន្ធូរភាពតានតឹងអំឡុងពេលធ្វើដំណើរ។ ចំណែកការប្រើទូរសព្ទពេលបើកបរក៏ស្ថិតក្នុងចំណោមនោះដែរ តើការកាន់ទូរសព្ទប្រើ ពិតជាបង្កគ្រោះថ្នាក់ខ្លាំងដែរ ឬទេ?

ការសិក្សាជាច្រើនលើពិភពលោក សុទ្ធសឹងតែយល់ស្របថា ការប្រើទូរសព្ទ អំឡុងពេលបើកបរ ពិតជាមានគ្រោះថ្នាក់ ទាំងខ្លួនឯង និងអ្នកដទៃ។ ក្រុមអ្នកស្រាវជ្រាវបានប៉ាន់ប្រមាណថា ការជជែកកម្សាន្តពេលបើកបរត្រឹម ៥០ នាទីក្នុងមួយខែ បង្កើនលទ្ធភាពគ្រោះថ្នាក់ (បុកប៉ះទង្គិច) ដល់ទៅ ៥ ដងឯណោះ។

ការវាយអក្សរ ផ្ញើសារ ខណៈពេលកំពុងបើកបរ ក្លាយជាបញ្ហាចម្បងជាពិសេសក្រុមយុវវ័យ។ តាមទិន្នន័យបង្ហាញថា អ្នកបើកបរប្រើទូរសព្ទ ធ្វើឲ្យលទ្ធភាពផ្តោតអារម្មណ៍ធ្លាក់ចុះ មើលឧបសគ្គខាងមុខ ងាយនឹងរេចង្កូត និងមានប្រតិកម្មយឺតជាងអ្នកមិនប្រើទូរសព្ទ បើករណីពេលមានគ្រោះថ្នាក់។

បើផ្លូវមានការពិបាកបើកបរ ទាមទារការគ្រប់គ្រងចង្កូតឲ្យបានល្អ។ ចំណែកការសន្ទនា តម្រូវមានការគិតច្រើនដូចគ្នា។ សកម្មភាពទាំងពីរនេះ តម្រូវឲ្យមានការផ្ដោតអារម្មណ៍គិតខ្លាំង អ្នកមិនអាចផ្ចង់អារម្មណ៍លើរឿងពីរក្នុងពេលតែមួយបានទេ ដូចនេះ កម្រិតហានិភ័យក៏ខ្ពស់តាមនោះដែរ។ អីចឹងហើយ ទើបអ្នកជំនាញណែនាំមិនឲ្យប្រើទូរសព្ទពេលបើកបរ៕