កូរ៉េខាងជើង ទាត់ចោលសំណើអាមេរិក រឿងដកនុយក្លេអ៊ែរ

2018-08-12 02:57:54
ចំនួនមតិ 0 | ចំនួនចែករំលែក 0

ចន្លោះមិនឃើញ

សហរដ្ឋអាមេរិក បានដាក់សំណើម្ដងហើយម្ដងទៀត ទៅកាន់កូរ៉េខាងជើង ដើម្បីជំរុញការរំសាយកម្មវិធីនុយក្លេអ៊ែរ នៅឧបទ្វីបកូរ៉េ។ ក៏ប៉ុន្តែសំណើទាំងអស់ ត្រូវបានច្រានចោលដោយក្រុងព្យុងយ៉ាង។ នេះបើតាមការចុះផ្សាយរបស់វេបសាយ CNN កាលពីថ្ងៃទី១០ ខែសីហា ឆ្នាំ២០១៨ ដោយដកស្រង់សម្ដីមន្ត្រីការទូតជាន់ខ្ពស់អាមេរិកម្នាក់ដែលមិនត្រូវបានបញ្ចេញឈ្មោះ។

ប្រភពបាននិយាយថា សហរដ្ឋអាមេរិក បានធ្វើការដាក់ "សំណើជាក់លាក់ដើម្បីចាប់ផ្ដើម និងដំណើរការនៃការរំសាយកម្មវិធីនុយក្លេអ៊ែរ" រួមទាំងពេលវេលានៃការរំសាយទាំងស្រុងផងដែរ។

CNN បានបន្ថែមថា ការមិនគោរពពាក្យសន្យាដែលត្រូវបានធ្វើឡើងកាលពីជំនួបកំពូលជាមួយលោកប្រធានាធិបតីអាមេរិក ដូណាល់ ត្រាំ នាខែមិថុនាកន្លងទៅ របស់មេដឹកនាំកូរ៉េខាងជើង លោក គីម ជុងអ៊ុន បានធ្វើឲ្យទំនាក់ទំនងការទូតរវាងប្រទេសទាំងពីរធ្លាក់ក្នុងសភាពដាច់ចេញពីគ្នា៕