ត្រឹមជាង១ខែប៉ុណ្ណោះ កូនស្រី គង់ ចាន់ស្រីមុំ នាំសំណាងផ្ទួនៗ
- 2018-08-13 07:09:43
- ចំនួនមតិ 0 | ចំនួនចែករំលែក 0
ត្រឹមជាង១ខែប៉ុណ្ណោះ កូនស្រី គង់ ចាន់ស្រីមុំ នាំសំណាងផ្ទួនៗ
ចន្លោះមិនឃើញ
ត្រឹមជាង១ខែប៉ុណ្ណោះ កូនស្រី តារាសម្ដែង គង់ ចាស់ស្រីមុំ ហាក់ដូចនាំសំណាងជូនម្ដាយឪពុកផ្ទួនៗតែម្ដង។ ក្នុងនោះនាងតូច គឹម សីហ៍មរកត ហៅម៉ូម៉ូ បានទទួលថតស្ប៉តម្សៅទឹកដោះគោឲ្យក្រុមហ៊ុន១ ដោយទទួលបានថ្លៃខ្លួន១ម៉ឺន ហើយម្សិលមិញម្ដាយឪពុករកប្រាក់បានជាង៣ម៉ឺនដុល្លារថែមទៀត។
ប្រាក់ជាង៣ម៉ឺនដុល្លារ ដែលអ្នកនាងគង់ ចាន់ស្រីមុំ និងលោក គឹម សីហា ទទួលបាននោះ គឺអ្នកទាំងពីរបានលក់ franchise ហាង MOMO BY SREYMOM របស់ខ្លួនឲ្យដៃគូពាណិជ្ជកម្មថ្មី១ទៀត ដែលហាងនោះ បានបើកសម្ពោធកាលពីម្សិលមិញនៅក្បែរស្ពានស្ទឹងមានជ័យ។ ក្នុងពិធីសម្ពោធនោះ ទាំងពីរមិនសូវអញ្ជើញអ្នកសិល្បៈចូលរួមច្រើនឡើយ ពោលគឺភាគច្រើនជាអ្នកមិត្តជិតស្និទ្ធនឹងដៃគូជំនួញរបស់នាងប៉ុណ្ណោះ។
អ្នកនាង គង់ ចាន់ស្រីមុំ បានឲ្យដឹងថា ហាងសាខាស្ទឹងមានជ័យដែល នាងបើកសម្ពោធនេះ គឺជាសាខាទី៧ របស់នាងហើយ ដោយសាខាថ្មីនេះទាំងផលិតក៏ដូចជាសេវាកម្មមិនខុសពីសាខាផ្សេងទៀតឡើយ។ សាខាទាំងអស់នោះ នាងបានបង្ហើបឲ្យដឹងថាសុទ្ធតែបានលក់ franchise ឲ្យគេ ដោយក្នុង១សាខា មិនក្រោមជាង៣ម៉ឺនដុល្លារឡើយ។
តារាស្រីល្បីខាងធ្វើជំនួញនេះលើកឡើងថា តាំងពីកូននាងមកចាប់កំណើតក្នុងផ្ទៃ កូន១នេះហាក់ដូចជានាំសំណាងឲ្យគ្រួសារជាបន្តបន្ទាប់ ហើយនាងពិតជាសប្បាយចិត្តខ្លាំងណាស់។ តាមការបញ្ជាក់ គង់ ចាន់ ស្រីមុំ ប្រហែលជា ត្រូវផ្អាកលក់ franchise សិន ដោយទុកពេលពង្រឹងសាខា ទាំងអស់ដែលបានបើករួចហើយ ឲ្យកាន់តែមានភាពរឹងមាំសិន និងម្យ៉ាងទៀតនាងចង់លក់ដោយខ្លួនឯងតែម្ដង៕
រូបភាព៖ ហ្វេសប៊ុក គង់ ចាន់ស្រីមុំ