ភ្ញាក់ផ្អើលទ្វីប១ ក្រោយផ្ទុះ ជំងឺអេបូឡា៤ថ្ងៃ ស្លាប់ជាង៣០នាក់ ប្រជាជនខ្មែរបើទៅតំបន់នេះ ប្រយ័ត្នផង

2018-08-14 02:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ជំងឺឆ្លងអេបូឡា កំពុងផ្ទុះរាតត្បាតក្នុងសាធារណៈរដ្ឋ ប្រជាធិបតេយ្យកុងហ្គោ ដែលបណ្ដាលឲ្យមានមនុស្សស្លាប់ ៣៦នាក់។ នេះបើតាម ព័ត៌មានពីនាយកដ្ឋានប្រយុទ្ធនឹងជំងឺឆ្លង នៃក្រសួងសុខាភិបាល បានប្រកាសព័ត៌មាន ដើម្បីឲ្យប្រជាពលរដ្ឋកម្ពុជា ដែលមានគម្រោង ឬប្រវត្តិឆ្លងកាត់ទៅប្រទេសនេះ ត្រូវប្រុងប្រយ័ត្ន។

វិធានទប់ស្កាត់ជំងឺអេបូឡា នៅទ្វីបអាហ្រ្វិក

ព័ត៌មានពីនាយកដ្ឋានប្រយុទ្ធនឹងជំងឺឆ្លង នៃក្រសួងសុខាភិបាលកម្ពុជា បានចុះផ្សាយថា របាយការណ៍របស់ អង្គការសុខភាពពិភពលោក បានបញ្ជាក់ថា ការរាតត្បាតឡើងវិញ នៃជំងឺ អេបូឡា នៅក្នុងសាធារណៈរដ្ឋប្រជាធិបតេយ្យកុងហ្គោ នៅក្នុងទ្វីបអាហ្វ្រិក មានចំនួនអ្នកឈឺសរុប ចំនួន៤៤នាក់ ដែលក្នុងនោះ ៣៦នាក់បានស្លាប់ហើយ។ នេះបើតាមតួលេខ គិតត្រឹម ថ្ងៃទី១០ ខែសីហា ឆ្នាំ២០១៨ នេះ។

នាយកដ្ឋានប្រយុទ្ធនឹងជំងឺឆ្លង បានចាត់វិធានការពង្រឹង និងត្រៀមឆ្លើយតបជំងឺអេបូឡា ដោយបានចាត់មន្ត្រីរង់ចាំឆ្លើយតបរហ័ស ទូទាំងប្រទេស និងមន្ត្រីតាមច្រកព្រំដែន គោក ទឹក និងអាកាស។

រោគសញ្ញានៃជំងឺឆ្លងអេបូឡា មានដូចជា គ្រុនក្ដៅលើសពី ៣៨.៥អង្សាសេ ឈឺសាច់ដុំ អស់កម្លាំង ក្អួត កន្ទួលក្រហម ឬចេញឈាម។

រូបភាពតំណាង ជំងឺអេបូឡា

សូមបញ្ជាក់ថា ចំពោះប្រជាជនដែលមានប្រវត្តិធ្វើដំណើរមកពីប្រទេសកុងហ្គោ ឬប្រទេសនានា នៅក្នុងទ្វីបដែលមានរោគសញ្ញាដូចខាងលើ ត្រូវរួសរាន់ទៅកាន់មន្ទីរពេទ្យដែលនៅជិតបំផុត ឬទាក់ទងលេខទូរសព្ទ ១១៥ ដើម្បីធ្វើការព្យាបាលជាបន្ទាន់ និងជៀសវាងចំលងជំងឺទៅសមាជិកគ្រួសារ និងអ្នកដទៃ។ នេះបើតាម ការប្រកាសព័ត៌មាន របស់នាយកដ្ឋានប្រយុទ្ធនឹងជំងឺឆ្លង។

អត្ថបទ៖ ពៅ រក្សា