បើកឆាកថ្ងៃដំបូងចប់ភ្លាម សិស្សបាក់ឌុប ប្រាប់អារម្មណ៍ពិត១ អ្នកធ្លាប់ឆ្លងកាត់ ដឹងតែយល់ច្បាស់

2018-08-20 10:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សិស្សប្រលងសញ្ញាប័ត្រមធ្យមសិក្សាទុតិយភូមិ ព្រឹកមិញ បានពណ៌នាអំពីអារម្មណ៍របស់ខ្លួនខុសៗគ្នា ក្រោយចប់ប្រលងភ្លាមៗ សម្រាប់ការបើកឆាកថ្ងៃដំបូង។ សិស្សបាក់ឌុបបានប្រាប់អារម្មណ៍ខុសៗគ្នា ចំពោះការរង់ចាំអស់ ១២ឆ្នាំ នៃការសិក្សាថ្នាក់ចំណេះដឹងទូទៅ ដែលបានមកដល់នេះ។

គ្រប់មណ្ឌលប្រលង គឺសុទ្ធតែមានការរឹតបន្តឹង តាមបទបញ្ញត្តិរបស់ក្រសួងអប់រំ និងត្រួតពិនិត្យគ្រប់បេក្ខជន ដែលបានគោរពតាម មុនឈានជើងចូលទៅតុអង្គុយនីមួយៗ។

តាមរយៈមតិ ក្រុមសិស្សបាក់ឌុប ដែលប្រលងនៅមណ្ឌលវិទ្យាល័យច្បារអំពៅ បានប្រាប់ Sabay ថា ខ្លួនពិតជាមានអារម្មណ៍ធូរស្រាល ក្រោយបានធ្វើវិញ្ញាសាចប់តាមម៉ោង និងមានសង្ឃឹមច្រើនផងដែរ។ សិស្សផ្សេងទៀត បានប្រាប់ថា ចប់ភ្លាម រាងធូរទ្រូង ព្រោះចេញចំកន្លែងចេះ អាចធ្វើបានភាគរយច្រើន។

តាមមតិក្រុមសិស្សបាក់ឌុប បានរំលឹកថា ព្រឹកមិញនេះ ពិតជាមានការត្រួតពិនិត្យតឹងរឹងខ្លាំង ផ្ដើមតាំងពីនៅច្រកចូលមណ្ឌលប្រលង ដែលជាហេតុធ្វើឲ្យមានការភិតភ័យ ខ្លះតិច ខ្លះច្រើន។

សូមទស្សនាវីដេអូ មតិសិស្សបាក់ឌុប ប្រាប់អារម្មណ៍ពិតក្រោយចប់ប្រលងភ្លាមៗ។

សូមបញ្ជាក់ថា តាមតារាងប្រព្រឹត្តទៅវិញ្ញាសា នៃការប្រលងសញ្ញាប័ត្រមធ្យមសិក្សាទុតិយភូមិ របស់ក្រសួងអប់រំ យុវជន និងកីឡា បានបញ្ជាក់ថា ថ្ងៃដំបូង ដែលត្រូវនឹងសម័យប្រលង ២០ សីហា ២០១៨នេះ សរុបមាន៤មុខវិជ្ជា ដែលបេក្ខជនត្រូវធ្វើ។

គឺនៅពេលព្រឹក មានមុខវិជ្ជាប្រវត្តិវិទ្យា និងជីវវិទ្យា។ ឯពេលល្ងាចមានមុខវិជ្ជា គីមីវិទ្យា និងភាសាបរទេស។

អត្ថបទ៖ ពៅ រក្សា