នារីខ្មែរ-អាមេរិក Jessa សង្ឃឹមឈ្នះមេដាយមាស ជូនកម្ពុជាពី Asian Games 2018

2018-08-22 00:51:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាការិនីខ្មែរ-អាមេរិក Jessa Khan មានជំនឿចិត្តខ្ពស់នឹងអាចយកមេដាយមាសលើប្រភេទកីឡា ជឺជីតស៊ូ(Jujitsu) ជូនប្រទេសកម្ពុជាបាន ក្នុងព្រឹត្តិការណ៍ទ្វីបអាស៊ី ឆ្នាំ២០១៨ ដែលកំពុងធ្វើឡើងនៅឯប្រទេសឥណ្ឌូណេស៊ី។

កីឡាការិនី Jessa Khan

Jessa Khan បានឲ្យដឹងថា កញ្ញាមានទំនុកចិត្តខ្ពស់តែម្ដងសម្រាប់ការប្រកួតតំណាងឲ្យកម្ពុជាលើកទី១នេះ ព្រោះសំអាងទៅលើបទពិសោធ និងការឈ្នះមេដាយមាសជាច្រើនគ្រឿងនាពេលកន្លងទៅនេះ។ បើនិយាយពីការហ្វឹកហាត់វិញ កីឡាការិនីវ័យ១៦ឆ្នាំរូបនេះបញ្ជាក់ថា គឺល្អគ្រប់គ្រាន់តែម្ដង មិនថាតែការត្រៀមប្រកួតនេះទេ ពោលហាត់ជារៀងរាល់ថ្ងៃមុនការប្រកួតនេះទៅទៀត។

កីឡាការិនី Jessa Khan

ចំណែកលោក ថោង បញ្ញាធន អគ្គលេខាធិការសហព័ន្ធជឺជីតស៊ូ ប្រាប់ឲ្យដឹងដែរថា លោកក៏ជឿជាក់ខ្លាំងលើកីឡាការិនីរូបនេះ ដោយសារឃើញពីសមត្ថភាពជាក់ស្ដែង ក៏ដូចជាលទ្ធផលដែលទទួលបានកន្លងមក។ សូម្បីកីឡាករ កីឡាការិនីដទៃៗទៀតដែលហ្វឹកហាត់ជាមួយក៏កោតសរសើរពីសមត្ថភាពខ្ពស់របស់ជើងខ្លាំងកីឡាការិនីខ្មែរ-អាមេរិកនេះដែរ។

លោក ថោង បញ្ញាធន អគ្គលេខាធិការសហព័ន្ធ

កីឡាការិនី Jessa Khan

Jessa Khan ដែលធ្លាប់ឈ្នះមេដាយមាសពិភពលោកច្រើនគ្រឿងរូបនេះ ពិតជាមានចិត្តរីករាយណាស់ ដែលបានប្រកួតតំណាងឲ្យកម្ពុជា មានទាំងការលើកទឹកចិត្តពីក្រុមគ្រួសារ និងប្រជាជនកម្ពុជា។ ការប្រកួតមួយនេះ រូបនាងនឹងខំប្រឹងដើម្បីបានមេដាយជូនប្រទេសជាតិ។

កីឡាករ ខូវ វិឌ្ឍានា

កីឡាការិនី Jessa Khan

ព្រឹត្តិការណ៍កីឡាទ្វីបអាស៊ីលើកទី១៨នេះ កំពុងធ្វើឡើងនៅប្រទេសឥណ្ឌូណេស៊ីចាប់ពីថ្ងៃទី១៨ សីហា ដល់ទី២ កញ្ញា ២១០៨។ ដោយឡែកប្រទេសកម្ពុជាបញ្ជូន១៣ប្រភេទកីឡា ហើយក្នុងនោះក៏មានកីឡាជឺជីតស៊ូផងដែរ។ សម្រាប់ប្រភេទកីឡាមួយនេះកម្ពុជាបញ្ជូនអត្តពលិកពីររូប គឺកីឡាករ ខូវ វិឌ្ឍានា និងកីឡាការិនី Jessa Khan ដែលចាកចេញពីកម្ពុជានាថ្ងៃទី២២ ខែសីហា ២០១៨៕

ទស្សនាវីដេអូ